სათამაშოების კომპანია Pop Mart-ის დამფუძნებელი და აღმასრულებელი დირექტორი, რომელიც Laboubu თოჯინებს აწარმოებს, ვანგ ნინგი Bloomberg-ის მილიარდერების ინდექსის მიხედვით, მსოფლიოს 100 უმდიდრეს ადამიანს შორის დასახელდა.
ის სიაში 85-ე ადგილზე იყო 26.5 მილიარდი დოლარის ქონებით. 2025 წლის დასაწყისიდან მისი კაპიტალი 18.8 მილიარდი დოლარით გაიზარდა.
რეიტინგის ლიდერთა სამეულში შედიან ამერიკელი მეწარმე ილონ მასკი, Oracle Corporation-ის დირექტორთა საბჭოს თავმჯდომარე და ტექნიკური დირექტორი ლარი ელისონი და Meta-ს თანადამფუძნებელი მარკ ცუკერბერგი - შესაბამისად, პირველ, მეორე და მესამე ადგილებზე.
