დღეს ნიუ-იორკში გაეროს უშიშროების საბჭოს საგანგებო სხდომა გაიმართება.
შეხვედრის ჩანიშვნის გადაწყვეტილება ანტონიო გუტერეშმა ბაჰრეინის, კოლუმბიის, ჩინეთის, რუსეთისა და საფრანგეთის ერთობლივი მოთხოვნის საფუძველზე მიიღო.
შეხვედრაზე იმსჯელებენ ახლო აღმოსავლეთში ვითარების მკვეთრ ესკალაციაზე.
გუტერეში მოუწოდებს გაეროს ყველა წევრ ქვეყანას, პატივი სცენ თავიანთ ვალდებულებებს საერთაშორისო სამართლის მიხედვით, გაეროს წესდების ჩათვლით, გუტერეშმა შეახსენა, რომ ქარტია „აშკარად კრძალავს „ძალის გამოყენების საფრთხეს ნებისმიერი სახელმწიფოს ტერიტორიული მთლიანობის ან პოლიტიკური დამოუკიდებლობის წინააღმდეგ, ან სხვაგვარად, რომელიც არ შეესაბამება გაეროს მიზნებს“.
„მოვუწოდებ საომარი მოქმედებების დაუყონებლივ შეწყვეტას და დეესკალაციას“, - თქვა მან და გააფრთხილა, რომ „ამის შეუსრულებლობა საფრთხეს უქმნის ფართო რეგიონულ კონფლიქტს, მძიმე შედეგებით მშვიდობიანი მოსახლეობისთვის და რეგიონული სტაბილურობისთვის“.
”მე მტკიცედ მოვუწოდებ ყველა მხარეს დაუყოვნებლივ დაბრუნდნენ მოლაპარაკებების მაგიდასთან,” - დასძინა მან.
გუტერეშმა ასევე განაცხადა, რომ „საერთაშორისო დავების მშვიდობიანი გადაწყვეტის ეფექტური ალტერნატივა არ არსებობს“.
შეგახსენებთ, გაეროს უშიშროების საბჭოს რეზოლუციები და მოწოდებები მსგავსი კრიზისების დარეგულირების უმთავრეს საერთაშორისო მექანიზმად მიიჩნევა.
