ბოსნიის ქალაქ ტრნოვოში ადგილობრივ არჩევნებში მერმა გაიმარჯვა, რომელიც მის წინააღმდეგ სისხლის სამართლის პროცესის გამო დაკავებულია და ახლა გაურკვეველია, როგორ შეძლებს ის სამსახურებრივი მოვალეობის შესრულებას. ამის შესახებ Klix.ba იტყობინება, წერს „ევროპეისკაია პრავდა“.
ტრნოვოს მუნიციპალიტეტის მერი იბრო ბერილო და მისი სამი თანამოაზრე კამპანიის დაწყებამდე ერთი თვით ადრე 5 აგვისტოს დააკავეს სამსახურებრივი მოვალეობის გადამეტების ბრალდებით, კერძოდ ინვესტორ-დეველოპერებისთვის პრივილეგიების შექმნის ბრალდებით.
დაკავების მიუხედავად, ბერილომ მანდატის დატოვება არ ისურვა და არჩევნებზე მაინც წასვლა გადაწყვიტა, რაც კანონით აკრძალული არ აღმოჩნდა. პარტიამ მას მხარი დაუჭირა. შედეგად, მერმა დამაჯერებელი გამარჯვება მოიპოვა.
ახლა ბოლომდე გაურკვეველია, როგორ უნდა გადაწყდეს დილემა, რომ ბერილო ახლადარჩეული მერია, მაგრამ ამავდროულად პატიმრობაშია, რომელიც 5 სექტემბერს ორი თვით გაახანგრძლივეს. სავარაუდოა, რომ მოვალეობები თავდაპირველად მერის მოადგილეს დაეკისრება.
ადგილობრივი არჩევნები ბოსნიაში კვირას, 6 ოქტომბერს გაიმართა.
