ამერიკელმა მომღერალმა, თეატრისა და კინოს მსახიობმა ბარბარა სტრეიზანდმა გაწეული ქველმოქმედებისთვის უკრაინის მთავრობისგან საჩუქარი მიიღო. ამის შესახებ ინფორმაციას ცნობილი მომღერალი Twitter-ში წერს და ფოტოსაც აქვეყნებს.
„მშვენიერი „ვიშივანკა“ მივიღე უკრაინის მთავრობისგან. ამ ნაქარგ პერანგზე შეგიძლიათ იხილოთ ტერნოპოლის ოლქის ნაქარგობები - საიდანაც არიან წარმოშობით ჩემი ბებია-ბაბუა მამის მხრიდან. თქვენც შეგიძლიათ ასეთი საჩუქრის მიღება, თუ ბუზოვას სკოლის რეკონსტრუქციისთვის შემოწირულებას გაიღებთ“, - წერს ბარბარა სტრეიზანდი.
