შეერთებულმა შტატებმა გადაწყვიტა შექმნას ფონდი ტრამპის მარშრუტის საერთაშორისო მშვიდობისა და კეთილდღეობისთვის (TRIPP) ინიციატივისა და სხვა რეგიონალური პროექტების დასაფინანსებლად. ამის შესახებ სომხეთის პრემიერ-მინისტრმა ნიკოლ ფაშინიანმა მთავრობის სხდომის შემდეგ გამართულ ბრიფინგზე განაცხადა.
„შეერთებულმა შტატებმა მიიღო წინასწარი დაფინანსების გადაწყვეტილება და შექმნა ფონდი, რომლის მეშვეობითაც TRIPP პროექტი და სხვა რეგიონალური პროექტები უნდა დაფინანსდეს“, - თქვა მან.
ფაშინიანმა აღნიშნა, რომ არ სურდა უზუსტობა ყოფილიყო, ამიტომ არცერთი რიცხვი არ დაასახელა, მაგრამ მიუთითა, რომ „დიდი ფონდია გამოყოფილი“.
2025 წლის 8 აგვისტოს, ვაშინგტონში აშშ-ის პრეზიდენტ დონალდ ტრამპთან სამმხრივი შეხვედრის შემდეგ, სომხეთის პრემიერ-მინისტრმა ნიკოლ ფაშინიანმა და აზერბაიჯანის პრეზიდენტმა ილჰამ ალიევმა ხელი მოაწერეს ერთობლივ დეკლარაციას ბაქოსა და ერევანს შორის მშვიდობის მოგვარებისა და აზერბაიჯანის ძირითად ნაწილსა და ნახიჩევანს შორის სატრანსპორტო კომუნიკაციების შექმნის შესახებ. ამ პროექტს ჰქვია ტრამპის გზა საერთაშორისო მშვიდობისა და კეთილდღეობისთვის.
