ამერიკელი სენატორი ბობ მენენდესი, რომელსაც ქრთამის აღება ედებოდა ბრალად, სასამართლომ უდანაშაულოდ სცნო. ინფორმაციას „როიტერსი“ ავრცელებს.
მენენდესმა საპროცესო შეთანხმება მოითხოვა მანჰეტენში აშშ-ის მაგისტრატ მოსამართლე ონა ვანგის წინაშე გამართულ მოსმენაზე. ვანგმა განაცხადა, რომ მენენდესი შესაძლოა, 100 000 დოლარის გირაოს სანაცვლოდ გაათავისუფლონ. სენატორს მოეთხოვება პირადი პასპორტის ჩაბარება, თუმცა შეეძლება, ოფიციალური პასპორტის შენარჩუნება და საზღვარგარეთ ოფიციალური საქმიანობით გამგზავრება.
ცნობისთვის, მანამდე პროკურორები აცხადებდნენ, რომ მენენდესმა და მისმა მეუღლემ ეგვიპტის მთავრობის დახმარების სანაცვლოდ, სამი ბიზნესმენისგან მიიღეს ოქრო, ფული და ძვირადღირებული მანქანა. ბრალის დამტკიცების შემთხვევაში მენენდესსა და მის მეუღლეს 45 წლამდე თავისუფლების აღკვეთა ემუქრებოდათ. ეს არ არის პირველი შემთხვევა, როდესაც მენენდესს ქრთამის აღებაში წაუყენეს ბრალი. მას ქრთამის აღებაში 2015 წელსაც წაუყენეს ბრალი, თუმცა ნაფიცმა მსაჯულებმა ერთსულოვანი განაჩენის გამოტანა ვერ შეძლეს.
