2045 წლისთვის ნედლეულზე გლობალური მოთხოვნა 16%-ით გაიზრდება და დღეში 116 მილიონ ბარელს მიაღწევს. ამის შესახებ Bloomberg ნავთობის ექსპორტიორი ქვეყნების ორგანიზაციის (OPEC) ანალიტიკოსების განახლებულ პროგნოზზე დაყრდნობით იუწყება. ეს დაახლოებით დღიურად 6 მილიონი ბარელით მეტია, ვიდრე გასული წლის ანგარიშში ვარაუდობდნენ.
ნედლეულზე მოთხოვნის ზრდას განაპირობებს მთელი რიგი ფაქტორები, მათ შორის საწვავის მიმართ ინტერესის გაზრდა საავტომობილო, ნავთობქიმიური და საავიაციო ინდუსტრიების წარმომადგენლების მხრიდან, ნათქვამია World Oil Outlook ანგარიშში.
ამავდროულად, აზია-წყნარი ოკეანის რეგიონის (APR) ქვეყნები შეინარჩუნებენ წამყვან როლს ნავთობის მოხმარების თვალსაზრისით. ამრიგად, ინდოეთში ნედლეულზე მოთხოვნა 2045 წლისთვის, OPEC-ის პროგნოზების მიხედვით, გაორმაგდება - თითქმის 12 მილიონ ბარელამდე დღეში, ხოლო ჩინეთში - 26 პროცენტით, ანუ 4 მილიონი ბარელით დღეში.
დოკუმენტის თანახმად, გლობალური ენერგეტიკული მოთხოვნა 2045 წლისთვის, დღეში 359,2 მილიონ ბარელს მიაღწევს.
მოთხოვნა ყველა ძირითად საწვავზე, ქვანახშირის გარდა, სავარაუდოდ გაიზრდება გრძელვადიან პერიოდში, ენერგეტიკული პოლიტიკისა და კლიმატის ცვლილების ვალდებულებების გამო.
ამ პერიოდის განმავლობაში ყველაზე დიდი ზრდა იქნება განახლებადი ენერგიის წყაროებში, რომელშიც მთავარი ქარის და მზის ენერგია იქნება.
ორგანიზაცია ელოდება, რომ 2045 წლისთვის განახლებადი ენერგიის წყაროების წილი გლობალურ ენერგეტიკულ ბალანსში 2022 წლის 2,7%-იდან, 2045 წლისთვის 11,7%-მდე გაიზრდება.
