უკრაინელმა მაშველებმა 15 მაისს დილით დაასრულეს სამძებრო სამუშაოები კიევის დარნიცის რაიონში, სადაც 14 მაისს რუსულმა რაკეტამ მრავალბინიანი სახლის ნაწილი დაანგრია.
უკრაინის შინაგან საქმეთა მინისტრ იჰორ კლიმენკოს ინფორმაციით, საგანგებო სიტუაციების სამსახურის სამძებრო-სამაშველო ოპერაცია 28 საათზე მეტხანს გაგრძელდა.
15 მაისის დილისთვის დადასტურებულია, რომ კიევზე რუსული დრონებითა და რაკეტებით მასირებული შეტევის შედეგად დაიღუპა 24 ადამიანი, მათ შორის 3 ბავშვი. დაშავდა 48.
15 მაისი კიევში გლოვის დღედ გამოცხადდა.
- 14 მაისს რუსეთის ჯარებმა უკრაინაზე რაკეტებით და უპილოტო საფრენი აპარატებით მიიტანეს მასირებული შეტევა, რომლის მთავარი სამიზნე კიევი იყო.
- უკრაინის საჰაერო ძალების მონაცემებით, რუსეთმა გამოიყენა 675 დრონი და 56 რაკეტა. ერთი დღით ადრე, 13 მაისს რუსეთის ჯარებმა უკრაინაზე მასირებული შეტევა მიიტანეს 800-ზე მეტი უპილოტო საფრენი აპარატით.
ვრცლად www.radiotavisupleba.ge
