იანვარ-აგვისტოში აზერბაიჯანიდან შესრულებული ავიარეისების მიმართულებებს შორის საქართველო მეოთხე ადგილზეა. ამის შესახებ ქვეყნის ტურიზმის სახელმწიფო სააგენტოს მონაცემებზე დაყრდნობით, Report ავრცელებს.
იანვარ-აგვისტოში აზერბაიჯანიდან 38 ქვეყანაში 17 769 ავიარეისი შესრულდა.
რაც შეეხება საქართველოს, აზერბაიჯანიდან საქართველოს მიმართულებით იანვარ-აგვისტოში 1 353 რეისი შესრულდა, რაც, გასული წლის ანალოგიურ პერიოდთან შედარებით, 33,1%-ით მეტია.
2024 წლის 8 თვეში აზერბაიჯანიდან ყველაზე მეტი ავიარეისი შემდეგ 10 ქვეყანაში შესრულდა:
- რუსეთი - 5 134 რეისი (+12,9%)
- თურქეთი - 4 004 (+5,5%)
- არაბთა გაერთიანებული საემიროები - 2 034 (+31%)
- საქართველო - 1 353 (+33,1%)
- საუდის არაბეთი - 617 (-4,6%)
- ყაზახეთი - 557 (-5,8%)
- ინდოეთი - 435 (+5,6-ჯერ)
- ყატარი - 399 (+64,1%)
- ქუვეითი - 297 (+24,7%)
- უზბეკეთი - 287 (+33,5%)
