TikTok-მა ვერ მიაღწია შეთანხმებას Universal Music Group-თან და ამიტომ ჰონორარებთან დაკავშირებული დავის გამო TikTok-ი იძულებულია პლატფორმიდან წაშალოს მუსიკალური ნაწარმოებების დიდი ნაწილი. ამის შესახებ TikTok-ი X-ზე იტყობინება.
სწორედ ამის გამო გაქრა პლატფორმიდან ისეთი სუპერვარსკვლავების ტრეკები როგორიცაა ტეილორ სვიფტი, ბილი ეილიში და The Weeknd-ი. დაპირისპირება გავლენას ახდენს UMG-ის მიერ გამოქვეყნებულ სიმღერებზე.
TikTok იცავს UMG-ის მოთხოვნებს, წაშალოს სიმღერები, რომლებიც დაწერილია ისეთ ავტორებთან თანამშრომლობით, რომლებსაც Universal Music Publishing Group-თან (UMPG) კონტრაქტი აკავშირებთ. ეს ასევე შეეხება ბევრ არტისტსა და კომპოზიტორს, რომლების Universal Music Publishing Group-თან არ არიან დაკავშირებული.
TikTok აგრძელებს UMG-თან სამართლიანი შეთანხმების მიღწევას. პრობლემა მდგომარეობს გაყოფილ საავტორო უფლებებში. თუ UMPG-თან კონტრაქტით დაკავშირებული ავტორი რაიმე წვლილს შეიტანს სიმღერაში, მაშინ ეს ჩანაწერი უნდა წაიშალოს TikTok-დან.
ეს შემსრულებლების დიდ რაოდენობას პლატფორმაზე საკუთარი ნამუშევრების გადატანას ურთულებს. TikTok-ის ჩანაწერების კატალოგის ხელშეკრულება სრულდება ამ კვირის ბოლოს, ამიტომ ყველა შესაბამისი ჩანაწერი გაქრება სერვისიდან.
