უკრაინამ შექმნა ახალი რაკეტა სახელწოდებით “ბარსი”. დიდი ხნის განმავლობაში ინფორმაცია ამ რაკეტის შესახებ საიდუმლოდ ინახებოდა.
ახალი უკრაინული იარაღის შესახებ ინფორმაციას BBC-ის უკრაინული სამსახური ავრცელებს.
“ბარსი” პირველად საჯაროდ ახსენა უკრაინის სტრატეგიული მრეწველობის მინისტრმა. გერმან სმეტანინმა, რამდენიმე დღის წინ – 11 აპრილს.
BBC-ის სამთავრობო წყაროების თანახმად, უკრაინული რაკეტა „ბარსი“ არ არის სახელმწიფო მწარმოებლის მიერ შემუშავებული იარაღი, ის კერძო მწარმოებელმა შექმნა.
„ბარსი“ მიეკუთვნება ე.წ. ფრთოსანი „რაკეტა-დრონების” კლასს, რომელთაც უკრაინა უკვე აწარმოებს [„პალიანიცა“ და „პეკლო“]. უკრაინის ხელისუფლებამ ამბობს, რომ ეს არის მათი ნოუ-ჰაუ.
„ბარსს“ არ გააჩნია ქობინი [საბრძოლო ნაწილი, ჩვეულებრივ, დაახლოებით 50-100 კგ-ია] და აქვს მცირე ზომის ტურბორეაქტიული ძრავა, რაც საშუალებას აძლევს მას სწრაფად დაფაროს მნიშვნელოვანი დისტანციები და იყოს რთული სამიზნე საჰაერო თავდაცვისთვის.
BBC-ის უკრაინული სამსახური წერს, რომ ასეთი „სარაკეტო დრონების“ გაშვება შესაძლებელია როგორც სახმელეთო დანადგარებიდან, ასევე თვითმფრინავებიდან. „ბარსის“ დიაპაზონი დაახლოებით 700-800 კმ-ია.
BBC-ის წყაროების თანახმად, ამ რაკეტას აქვს მნიშვნელოვანი უპირატესობა: უკრაინაში მასობრივი წარმოების შესაძლებლობა.
„შესაბამისად, უკრაინის თავდაცვის ძალები მალე შეძლებენ მიიღონ შორი დარტყმის და საკმაოდ მძლავრი საშუალებები რუსეთის ტერიტორიის სიღრმეში რეგულარული შეტევებისთვის” – წერს BBC.
ამ რაკეტის გამოსახულება საჯაროდ ხელმისაწვდომი არ არის, ისევე როგორც მისი ტაქტიკურ-ტექნიკური მახასიათებლების დეტალები.
გასულ წელს უკრაინამ მნიშვნელოვნად გააძლიერა სარაკეტო პროგრამა. ჯერ კიდევ 2024 წლის აგვისტოში პრეზიდენტმა ვოლოდიმირ ზელენსკიმ გასცა ბრძანება დამატებითი ფინანსები მიმართვისა და რაკეტების წარმოების დაჩქარების შესახებ. უკვე იმ დროს უკრაინელი მწარმოებლები ერთდროულად მუშაობდნენ რაკეტების რამდენიმე ვერსიაზე.
ყველაზე წარმატებულმა უკრაინულმა საბრძოლო იარაღმა, გემსაწინააღმდეგო რაკეტა „ნეპტუნმა“, ასევე განიცადა მნიშვნელოვანი მოდერნიზაცია, გაიზარდა მისი მოქმედების დიაპაზონი და სახმელეთო სამიზნეების დარტყმის შესაძლებლობა.
წყარო: "ბათუმელები"
