ხელოვნური ინტელექტის მიერ ბიზნეს ლანდშაფტის სწრაფი გარდაქმნის პროცესში მარკეტინგის დირექტორის როლი ფუნდამენტურ ცვლილებებს გადის. სფეროს ექსპერტების შეფასებით, თანამედროვე CMO კომპანიის ზრდის სტრატეგიული არქიტექტორია, რომელიც AI-ს ამ გარდაქმნის მამოძრავებელ ძალად იყენებს.
McKinsey-ის კვლევის შედეგები აჩვენებს, რომ დღევანდელ ტექნოლოგიებს აქვთ პოტენციალი ავტომატიზაცია გაუკეთონ თანამშრომლების დროის 60-70%-ს, თუმცა AI-ის შესაძლებლობები მხოლოდ პროდუქტიულობით არ შემოიფარგლება. წარმატებული მარკეტერები ხელოვნურ ინტელექტს იყენებენ მონაცემების დასამუშავებლად და ინსაიტების მისაღებად, რომელთა ადამიანურ შემოქმედებასთან კომბინირება მასშტაბურ შედეგებს იძლევა. ამ ტექნოლოგიური გარღვევის შედეგად, მრავალი ექსპერტი საუბრობს „მარკეტინგის ოქროს ხანის“ დადგომაზე, სადაც CMO მონაცემებსა და ადამიანურ ფაქტორზე დაფუძნებული კლიენტთა ურთიერთობების დირიჟორი ხდება.
სტრატეგიული ლიდერის პოზიციონირება
ხელოვნური ინტელექტის დანერგვით, მარკეტინგის პროცესების მნიშვნელოვანი ნაწილი – მომხმარებელთა ინსაიტების მიღება, განმეორებადი დავალებების შესრულება, კამპანიების ოპტიმიზაცია და შედეგების გაზომვა – ავტომატიზდება, რაც CMO-ს აძლევს საშუალებას ფოკუსირება მოახდინოს სტრატეგიულ სფეროებზე: ზრდასა და მომხმარებელთა გამოცდილების გაუმჯობესებაზე.
მარკეტინგის ხელმძღვანელებს აქვთ მომხმარებელთა ორიენტირებული მიდგომა, რაც იდეალურია ხელოვნური ინტელექტის ინსტრუმენტების დანერგვისას, რომელთა მიზანიც უკეთესი მომხმარებლის გამოცდილების შექმნაა. მეორე მხრივ, ძლიერი კომუნიკაციის უნარი საშუალებას აძლევს იმოქმედონ როგორც AI-ს ევანგელისტებმა ორგანიზაციაში. გარდა ამისა, მუშაობის სპეციფიკიდან გამომდინარე, მარკეტინგის დირექტორები დიდი ხანია მუშაობენ მონაცემებზე დაფუძნებულ გადაწყვეტილებებთან, რაც მათ დეპარტამენტებს უფრო მზად ხდის AI ტექნოლოგიების ადაპტაციისთვის.
Boston Consulting Group-ის კვლევა ადასტურებს ამ ტენდენციას – გამოკითხული CMO-ების სამი მეხუთედი აცხადებს, რომ ისინი წარმოადგენენ ძირითად მამოძრავებელ ძალას ორგანიზაციებში ხელოვნური ინტელექტის დაფინანსებისა და ინვესტირების მიმართულებით.
ტექნოლოგიური ტრანსფორმაცია
მარკეტინგის სამუშაო პროცესებში AI-ს ეფექტური ინტეგრაციისთვის, ტექნოლოგია უნდა მუშაობდეს უწყვეტად არსებულ მონაცემთა ინფრასტრუქტურასთან. სწორედ ამ პრინციპს ეფუძნება ისეთი მომხმარებელთა ჩართულობის პლატფორმები, როგორიცაა Braze, რომელიც აგებულია კომპოზიტური ინტელექტის საფუძველზე.
ანალიტიკოსების დაკვირვებით, მარკეტოლოგები, რომლებიც იყენებენ ინტელექტუალურ მოდელებს, გაძლიერებული სწავლის შესაძლებლობებს და AI აგენტებს, ახერხებენ უფრო რელევანტური და პერსონალიზებული კომუნიკაციის მიწოდებას მასშტაბურად. განსაკუთრებით მნიშვნელოვანია ის ფაქტი, რომ მარკეტინგის დირექტორები, რომლებიც ნერგავენ AI-ს კლიენტთა მოგზაურობაში და ბიზნეს მეტრიკებს (შემოსავალი, გადინება, დამატებითი გაყიდვები) განსაზღვრავენ როგორც მიზნებს AI მოდელებისთვის, პერსონალიზებული გამოცდილებების სათავეში დგებიან.
ადამიანური და ტექნოლოგიური ძალების ბალანსი
ხელოვნური ინტელექტის ერაში მარკეტინგის დირექტორის კიდევ ერთი მნიშვნელოვანი ფუნქციაა სამუშაო პროცესების გადაწყობა ისე, რომ უზრუნველყოფილი იყოს ადამიანებისა და AI-ის ეფექტური თანამშრომლობა. ეს მოიცავს გუნდების კვალიფიკაციის ამაღლებისა და ტრენინგის გავლას, რაც აუცილებელია ციფრული ტრანსფორმაციის პერიოდში. Forrester-ის კვლევის მიხედვით, გამოკითხული რესპონდენტების 91% აცხადებს, რომ მათი მარკეტინგის დირექტორები პრიორიტეტად მიიჩნევენ ხელოვნური ინტელექტის შესახებ ცოდნის განახლებას. სულ უფრო მეტი კომპანია ქმნის ფორმალურ სასწავლო პროგრამებს.
ამასთან, აუცილებელია AI ტექნოლოგიების პასუხისმგებლობით გამოყენება დროს, როდესაც მომხმარებლები სკეპტიკურად არიან განწყობილნი ამ ახალი მიმართულების მიმართ. აუდიტორიის ნდობის მოპოვება, ბრენდის ავთენტურობის შენარჩუნება და ადამიანური შემოქმედებითი აზროვნებით ხელმძღვანელობა გადამწყვეტ როლს შეასრულებს AI-ით გაჯერებულ სამომავლო ლანდშაფტში.
მთლიანობაში, მარკეტინგის დირექტორი ხდება „გრავიტაციის ცენტრი“ AI-ის მიერ მართულ ტრანსფორმაციაში, რომელიც გუნდებს ბრენდის მისიასა და მიზნებზე ორიენტირებულს ხდის. სწორედ CMO-ს უნიკალური ხედვა მომხმარებლის სრულ სასიცოცხლო ციკლზე ქმნის იდეალურ პოზიციას სტრატეგიული გადაწყვეტილებებისთვის – სად შეიძლება ხელოვნური ინტელექტი იყოს ყველაზე ეფექტური უკეთესი ბიზნეს შედეგების მისაღწევად.
ამ ახალი როლის დახმარებით, მარკეტინგის დირექტორები არა მხოლოდ აძლიერებენ მარკეტინგის დეპარტამენტის მნიშვნელობას ორგანიზაციაში, არამედ იკავებენ სტრატეგიულ პოზიციას კომპანიის მმართველობით რგოლში. ციფრული ტრანსფორმაციის ამ მნიშვნელოვან პერიოდში, განსაკუთრებით აქტუალურია პროფესიული განვითარება და ინოვაციური მიდგომების დანერგვა მარკეტინგის სფეროში.
წყარო: Adweek, marketer.ge
