მაშინ, როცა მსახიობები და მწერლები ხელოვნურ ინტელექტთან დაკავშირებით აქციებს მართავენ, Netflix-მა პროდუქტის მენეჯერის პოზიციაზე ხელოვნური ინტელექტის ვაკანსია გამოაცხადა.
ამ ეტაპზე ბევრი ფილმი და სერიალი გაჩერებულია, მათ შორის The Witcher-ის მე-4 სეზონის გადაღებები.
როგორც Engadget-ი წერს, სამუშაოს აღწერილობის მიხედვით, პროდუქტის მენეჯერი პასუხისმგებელი იქნება არა მხოლოდ შეთავაზების ან ახალი My Netflix განყოფილების ალგორითმების შექმნაზე, არამედ თავად კონტენტის შექმნაზე. მისი პასუხისმგებლობა იქნება ასევე „ორიგინალური ფილმებისა და სატელევიზიო შოუების წარმოების ოპტიმიზაციას“.
ანაზღაურება მართალია, საშუალოდ 300-დან 900 000 დოლარამდე წელიწადში.
ამან კინომსახიობთა გაერთიანების აღშფოთება გამოიწვია. მისი წარმომადგენლების თქმით, მსახიობებს, გამოსახულების სკანირებისა და მათი სურათების CGI პერსონაჟად გამოყენების მუდმივი უფლებისთვის, ერთჯერადი კომპენსაცია 200 დოლარის ოდენობით შესთავაზეს.
ჰოლივუდში სცენარისტების აქციას ათასობით მსახიობი შეუერთდა. ისინი საბაზისო ანაზღაურების გაზრდას მოითხოვენ. ისინი ასევე მოითხოვენ გარანტიებს, რომ მათ სამუშაოებს ხელოვნური ინტელექტი არ ჩაანაცვლებს. მსახიობები შიშობენ, რომ ხელოვნური ინტელექტის გამოყენებით შესაძლებელი გახდება მათი ხმებისა და სახეების ჩანაცვლება.
