ბავარიის ქალაქ ფურტის ლუთერანულ ეკლესიაში ChatGPT ჩატ ბოტმა წირვა ჩაატარა. ამის შესახებ Associated Press-ი წერს. საპილოტე მომსახურებას 300-ზე მეტი ადამიანი დაესწრო. ქადაგება ევანგელისტური კირხენტაგის პროტესტანტული კრების ნაწილი გახდა, რომელიც ყოველ ორ წელიწადში ერთხელ, ზაფხულობით, გერმანიის სხვადასხვა ადგილას ტარდება.
ხელოვნური ინტელექტი მრევლის წინაშე საკურთხევლის ზემოთ, ეკრანზე, შავკანიანი მამაკაცის სახით გამოჩნდა და მაყურებელს უფლის დიდებისკენ მოუწოდა.
მსახურება 40 წუთს გაგრძელდა. ქადაგების გარდა, ღვთისმსახურება მოიცავდა ლოცვას და მუსიკას. ექსპერიმენტის ორგანიზებაში მონაწილეობდა ChatGPT-ი და 29 წლის თეოლოგი და ვენის უნივერსიტეტის ფილოსოფოსი იონას სიმერლეინი.
„მე ჩავიფიქრე ასეთი ღვთისმსახურების ჩატარება, მაგრამ დაახლოებით 98% მანქანამ შექმნა“, - თქვა მან.
სიმერლეინის თქმით, ხელოვნურმა ინტელექტმა ამოცანას თავი გაართვა, მაგრამ ის სრულად ვერ ჩაანაცვლებს ცოცხალ მოძღვარს, რადგან მრევლს არ იცნობს. „მოძღვარი საზოგადოებაშია, მათთან ერთად ცხოვრობს, კრძალავს ადამიანებს, მათ დაბადებიდან იცნობს. ხელოვნურ ინტელექტს ამის გაკეთება არ შეუძლია, ”- ხაზგასმით აღნიშნა ფილოსოფოსმა.
