„ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი“ ვაქცინების შესაძენად 2.4 მილიონ ლარიან ტენდერს აცხადებს.
ტენდერში წინადადებების მიღება 2 აგვისტოს იწყება და 7 აგვისტოს სრულდება. ტენდერი გულისხმობს „იმუნიზაციის“ სახელმწიფო პროგრამის ფარგლებში 242,000 დოზა ანტირაბიული ვაქცინის შეძენას.
ფარმაცევტული პროდუქტების მიწოდება ხელშეკრულების გაფორმებიდან უნდა განხორციელდეს ეტაპობრივად, კერძოდ: 2023 წელს მოსაწოდებელი რაოდენობა - 121000 დოზა, მოწოდებული უნდა იყოს 2023 წლის 30 ნოემბრამდე, ხოლო 2024 წელს მოსაწოდებელი რაოდენობა - 121,000 დოზა, მოწოდებული უნდა იყოს შემსყიდველის წერილობითი მოთხოვნის საფუძველზე, მოთხოვნიდან 30 კალენდარული დღის ვადაში, ხოლო საქონლის მოწოდების საბოლოო ვადაა არაუგვიანეს 2024 წლის 30 ივნისი.
