ევროპის დღის აღსანიშნავად შევიკრიბეთ, რომელსაც საქართველო ევროპული პერსპექტივით ხვდება - ეს დიდი წარმატებაა. შემდეგი ეტაპი კანდიდატის სტატუსის მოპოვებაა, რაც კიდევ უფრო დააახლოებს საქართველოს ევროკავშირის წევრობასთან,- ამის შესახებ საქართველოში ევროკავშირის ელჩმა, პაველ ჰერჩინსკიმ ევროპის დღისადმი მიძღვნილ ღონისძიებაზე სიტყვით გამოსვლისას განაცხადა.
პაველ ჰერჩინსკის განცხადებით, ახლა მოქმედების დროა.
"დღეს ევროპის დღეს ვზეიმობთ. 70-ზე მეტი წლის წინ სუვერენულმა დამოუკიდებელმა ევროპულმა ქვეყნებმა ძალები გააერთიანეს, რათა ევროპაში მშვიდობა, სტაბილურობა და კეთილდღეობა შეენარჩუნებინათ. ნამდვილად ბედნიერი ვარ, რომ ევროპის დღეს აღვნიშნავთ მაშინ, როდესაც საქართველოს ევროპული პერსპექტივა მიენიჭა ევროპელი ლიდერების მიერ.
როგორც ევროკომისიის პრეზიდენტმა თქვა, საქართველოს ევროპას მიეკუთვნება და საქართველოს გარეშე ევროპა სრული ვერ იქნება. აქ იმისთვის ვართ, რომ ევროპული ერთიანობის, ევროპული მრავალფეროვნების შესანიშნავი იდეა აღვნიშნოთ და ველოდებით საქართველოს! და გულწრფელად იმედი მაქვს, რომ საქართველო ევროინტეგრაციის გზაზე წინ წაიწევა იმდენად სწრაფად, რამდენადაც შესაძლებელია. ამიტომ, ახლა მოქმედების დროა, – განაცხადა პაველ ჰერჩინსკიმ.
"ახლა მოქმედების დროა... გულწრფელად იმედი მაქვს, საქართველო ევროინტეგრაციის გზაზე წინ წაიწევს" - პაველ ჰერჩინსკი
![](https://commersant.ge/uploads/files/2023/05/06/1642/pavel-herchinski_w_h.jpeg)
სამოქალაქო საზოგადოება არჩევნების უპრეცედენტო დაკვირვებისთვის ემზადება
ოპოზიციას დამოუკიდებელი წევრების მიუკერძოებლობასთან დაკავშირებით კითხვები აქვს
დღეს საოლქო საარჩევნო კომისიები საუბნო საარჩევნო კომისიების ხელმძღვანელ პირებს და წევრებს აირჩევენ
"ჩემი დისკრედიტაციის მორიგი მცდელობაა" - კეზერაშვილი პროკურატურას პასუხობს
რა გზავნილებით მიიღო საქართველომ გერმანიიდან და რა პასუხი აქვს ოფიციალურ თბილისს