ზაჰესში, შოთაძის ქუჩაზე საგზაო სამუშაოები მიმდინარეობს. ამის შესახებ ინფორმაციას თბილისის მერიის პრესსამსახური ავრცელებს.
ამავე ცნობით, სამუშაოები შოთაძის ქუჩის ნაწილზე და ჩიხებში მიმდინარეობს, სადაც გზის საფარი აქამდე არ არსებობდა.
სამუშაოების შედეგად დაახლოებით 3 000 კვადრატულ მეტრამდე ფართობზე ასფალტის საფარი მოეწყობა. პროექტისთვის დაახლოებით, 203 000 ლარი დაიხარჯება.
მიმდინარე სამუშაო პროცესს გლდანის რაიონის გამგებლის მოვალეობის შემსრულებელი ბესიკ კალაძე ადგილზე გაეცნო.