ჯუთაში მისასვლელი გზის 200-მეტრიან მონაკვეთზე მეწყრული პროცესის განვითარებასა და გზაზე არსებულ რთულ მდგომარეობაზე ადგილობრივი ნოშრევან არაბული Facebook-ის გვერდზე პოსტს აქვეყნებს.

„ჯუთაში მისასვლელი გზის 200-მეტრიანი მონაკვეთი, რომელიც „გაკეთების“ შემდეგ ქვემოთ მიცოცავდა, უკვე გაიქცა... მალე, ალბათ, თან გაიყოლებს გაზის მილსაც და ელგაყვანილობის ბოძებსაც, ჯუთა მოსწყდება სამყაროს, ხალხი დაკარგავს შემოსავლის წყაროს, შეწყდება სატრანსპორტო კომუნიკაცია ჯუთას სასაზღვრო სექტორთან და ა.შ.

სიტუაცია ძალზე სერიოზულია, არაფერს ვაჭარბებ, იქნებ ჯერ კიდევ არაა მთლად უსაშველო, სოფლის მოსახლეობის სახელით მოგმართავთ ყველას, ვისაც ეს კონკრეტულად ეხება, მათ შორის ადგილობრივ და ცენტრალურ ხელისუფლებასაც, მიიტანეთ გულთან ჩვენი გასაჭირი, თქვენ - შეგიძლიათ, ჩვენ - გვეიმედებით!“ - წერს ადგილობრივი ნოშრევან არაბული.