დღეიდან, 1-ელი იანვრიდან, თბილისის საზღვრებში, 08:00-დან 11:00 საათამდე და 17:00-დან 20:00 საათამდე პერიოდში, მოძრაობის შეზღუდვა სხვა დიდგაბარიტიან ტრანსპორტთან ერთად, უკვე დისტრიბუციის ავტომანქანებსაც შეეხება - თემაზე თბილისის მერმა კახა კალაძემ, 25 დეკემბერს გამართულ მთავრობის სხდომაზე ისაუბრა.
„წელიწადნახევრის წინ დავიწყეთ კიდევ ერთი ახალი რეფორმის განხორციელება, რომელიც ემსახურება დედაქალაქში მოძრაობის გარკვეულწილად განტვირთვას, რაც გამომდინარეობდა არაგაბარიტული მანქანების მოძრაობით პიკის საათებში. 08:00-დან 11:00 საათამდე და 17:00-დან 20:00 საათამდე პერიოდში, მათი გადაადგილება შევზღუდეთ. ეს ეხებოდა N2 და N3 კატეგორიების სატრანსპორტო საშუალებებს, ანუ იზღუდებოდა ტვირთის გადასაზიდად განკუთვნილი სამნახევარ ტონაზე მეტი სრული მასის მქონე ძრავიანი სატრანსპორტო საშუალებების გადაადგილება. გვქონდა გარკვეული გამონაკლისები დაშვებული. რეგულაციის მიღების დროს ბიზნესსექტორთან მჭიდრო ურთიერთობა გვქონდა და გამონაკლისად დავადგინეთ დისტრიბუციის მანქანები და მათ რვათვიანი შეღავათი მივეცით, რომ ამ ცვლილებასთან ადაპტირება მოეხდინათ. ამის შემდეგ მათ შეღავათი კიდევ ოთხი თვე გავუხანგრძლივეთ, პირველი იანვრიდან კი ეს შეზღუდვა მათაც შეეხებათ“, - აღნიშნა კახა კალაძემ.
დღეიდან, თბილისში პიკის საათებში მოძრაობა დისტრიბუციის მანქანებსაც შეეზღუდება

გვქონდა 30-ზე მეტ ლიდერთან უშუალოდ გასაუბრების საშუალება – ირაკლი კობახიძე
ირაკლი კობახიძე ევროპის საბჭოს გენერალურ მდივანს შეხვდა - რა საკითხებზე ისაუბრეს?
,,საქართველო ყველაზე წარმატებული ევროპული ქვეყანაა”- ვიქტორ ორბანი
აქტიურად გამოვიყენებთ ამ ფორმატს იმისათვის, რომ მაქსიმალურად ვისაუბროთ ჩვენს ეროვნულ ინტერესებზე ევროპელ პარტნიორებთან - ირაკლი კობახიძე EPC-ის სამიტზე
სამწუხარო იქნება, თუ კიდევ აღმოჩნდება ყოფილი თანაგუნდელი კორუფციაში გარეული- მამუკა მდინარაძე