Binance-მა, მსოფლიოს უდიდესმა კრიპტოვალუტის სავაჭრო ბირჟამ, ბოლო ორი დღის განმავლობაში, ბიტკოინების ამოღება, ტრანზაქციების დიდი რაოდენობის გამო, ორჯერ შეაჩერა. ნათქვამია კომპანიის შეტყობინებებში Twitter-ზე.
მუშაობის შეჩერებისა და განახლების შესახებ განცხადებების დროიდან გამომდინარე, პაუზები დაახლოებით ოთხ საათს გაგრძელდა.
„მომავალში მსგავსი სიტუაციების თავიდან ასაცილებლად, ჩვენი გადასახადები დარეგულირდება“, - დაწერა Binance-მა სოციალურ ქსელში.
კვირას, CoinDesk-ის თანახმად, დაუდასტურებელი ტრანზაქციების რაოდენობამ 400 000-ს მიაღწია. ეს უფრო მაღალი ციფრია ვიდრე 2018 და 2021 წლებში შესყიდვების აქტივობის პერიოდებში დაფიქსირებული მაჩვენებლები.
ბიტკოინი წინა დღით დაახლოებით 2%-ით დაეცა, მაგრამ წლის დასაწყისიდან 70%-ზე გაძვირდა.
