2025 წლის იანვარ-სექტემბერში საცალო ვაჭრობის ბაზრის 87% ხუთ უმსხვილეს კომპანიას ეკავა.

"თიბისი კაპიტალის" კვლევის თანახმად, ბრენდული სუპერმარკეტების ქსელები რეგიონებში გაფართოვდა და რაოდენობით თბილისს გადაუსწრო. მიუხედავად ამისა, კვ.მ-ზე ნავაჭრით დედაქალაქი ლიდერობს.

2025 წლის 9 თვის მონაცემებით, თბილისში 1 531 ბრენდული საცალო ვაჭრობის ობიექტია, ერთ კვ.მ-ზე ნავაჭრი კი 1 266 ლარს შეადგენს. ეს კი მაშინ, როცა რეგიონებში ჯამში 1 731 ქსელური მარკეტია, მათი ნავაჭრი კი კვ.მ-ზე 968 ლარს უტოლდება.

როგორც „თიბისი კაპიტალის“ ბაზრის მიმოხილვიდან ირკვევა, გაყიდვებით ლიდერობს „დეილი ჯგუფი“, რომელსაც საცალო ვაჭრობის მთლიანი ბაზრის 33% უჭირავს. მას მოსდევს „ორი ნაბიჯი“ 20.5%-იანი წილითა და „ნიკორა“ 18.7%-იანი წილით.  „კარფურის“ წილი საცალო ვაჭრობის ბაზარზე 9.7%-ს უტოლდება, „აგროჰაბის“ კი 4.9%.

რაც შეეხება სხვა კომპანიების მაჩვენებლებს, შემოსავლების სიდიდით ბაზარზე მათი წილობრივი მოცვა ასე გამოიყურება:

  • „გუდვილი“ – 3.1%;
  • „უნივერსამი“ – 2.3%;
  • „ფრესკო“ – 2.2%;
  • „ექსპრეს ქსელი“ – 1.5%;
  • „მადაგონი“ – 1.5%;
  • „ზღაპარი“ – 1.3%;
  • „ევროპროდუქტი“ – 1.2%.