I კვარტალში საქართველოში იაპონიიდან 12.8 მლნ აშშ დოლარის პირდაპირი უცხოური ინვესტიცია შემოვიდა და ამ მაჩვენებლით იაპონია მეცხრე უმსხვილესი ინვესტორი ქვეყანა იყო.
BM.GE-მ საქსტატიდან გამოითხოვა ინფორმაცია - რომელ სექტორებში და კომპანიებში ჩაიდო პირველ კვარტალში იაპონიიდან ინვესტიციები.
საქსტატის მიერ მოწოდებული ინფორმაციით, სექტორები, სადაც იაპონური ინვესტიციები ჩაიდო ასე გამოიყურება:
- საბითუმო და საცალო ვაჭრობა; ავტომობილების და მოტოციკლების რემონტი
- საფინანსო და სადაზღვევო საქმიანობები
- უძრავ ქონებასთან დაკავშირებული საქმიანობები
- პროფესიული, სამეცნიერო და ტექნიკური საქმიანობები
- განთავსების საშუალებებით უზრუნველყოფის და საკვების მიწოდების საქმიანობები
- ელექტროენერგიის, აირის, ორთქლის და კონდიცირებული ჰაერის მიწოდება
რაც შეეხება კომპანიებს, სადაც ამ პერიოდში ყველაზე დიდი მოცულობის ინვესტიცია ჩაიდო, მათი ათეული ასე გამოიყურება (არაა დალაგებული რეიტინგის მიხედვით):
- შპს ტოიოტა კავკასია
- შპს ნოზომი
- შპს დიზაინ სტუდიო ნაო
- შპს დასავლეთ ევროპისა და იაპონიის სურსათი (დის)
- შპს თრუსტოუნ ასეტს
- შპს ზე ლითლ პრინც
აღსანიშნავია, რომ 2025 წლის პირველ კვარტალში (-37.9 მლნ $) და მთლიანად გასულ წელს (-169 მლნ $), იაპონიიდან ინვესტიციები უარყოფითი ნიშნით დაფიქსირდა. 2023-2024 წლებში კი იაპონიიდან FDI 60 მლნ დოლარს აჭარბებდა.
