ღვინო მსოფლიოში ერთ-ერთი ყველაზე პოპულარული სასმელია, რომელიც როგორც ხარისხის, ასევე ფასის მრავალფეროვნებით გამოირჩევა. ერთი ბოთლი ღვინოს ღირებულება კი არა ქვეყნიდან-ქვეყანამდე, არამედ ქალაქიდან ქალაქამდეც კი შეიძლება მნიშვნელოვნად შეიცვალოს.
სწორედ ამიტომ, კომპანია Magnet Kitchen, Numbeo-ს 2024 წლის მონაცემებზე დაყრდნობით, მსოფლიოს 190 ქალაქში ერთი ბოთლი ღვინის საშუალო ფასს აანალიზებს და შესაბამის რეიტინგსაც აქვეყნებს.
როგორც აღმოჩნდა, ერთი ბოთლი ღვინის შეძენა ყველაზე ძვირად ქალაქ ნიუ-იორკშია შესაძლებელი, სადაც საშუალო ფასი ბოთლზე $20-ია. მეტიც, ნიუ-იორკში ღვინის საშუალო ფასი 5-ჯერ აღემატება იმ ქალაქის ფასებს, სადაც ღვინო ყველაზე იაფია.
ნიუ-იორკი საცხოვრებლად ერთ-ერთი ყველაზე ძვირად ღირებული ქალაქია და გამონაკლისი არც ალკოჰოლური სასმელებია. ამის მიზეზი სხვა ქალაქებთან შედარებით მაღალი სააქციზო გადასახადია, რომელიც გალონზე 30%-ს შეადგენს. გარდა ამისა, სასმელი დამატებით იბეგრება იმ შემთხვევაშიც, თუ ალკოჰოლის შემცველობა 24%-ს აღემატება.
15 ქალაქი, სადაც ერთი ბოთლი ღვინო ყველაზე ძვირი ღირს:
- ნიუ-იორკი, აშშ - $20.00
- კოლუმბია, აშშ - $18.00
- სან-ფრანცისკო, აშშ - $17.75
- ოკლენდი, აშშ - $17.75
- ფილადელფია, აშშ - $17.00
- ლაუნჩესტონი, ავსტრალია - $16.45
- ჰობარტი, ავსტრალია - $16.45
- ვაშინგტონი, აშშ - $16.00
- დენვერი, აშშ - $16.00
- ტაქსონი, აშშ - $15.50
- ვიქტორია, კანადა - $15.29
- ფენიქსი, აშშ - $15.00
- მესა, აშშ - $15.00
- მაიამი, აშშ - $15.00
- ნეშვილი, აშშ - $15.00
ევროპაში ერთი ბოთლი ღვინო ყველაზე ძვირი გაერთიანებულ სამეფოში ღირს, რომელიც ოცეულში ხვდება. ღვინის საშუალო ღირებულება აქ ნიუ-იორკზე 6.6%-ით დაბალია და $12-ს აღწევს.
რაც შეეხება ქალაქს, სადაც ღვინო ყველაზე იაფი ღირს, ასეთი ესპანეთის ქალაქი კორდობა აღმოჩნდა, სადაც ერთი ბოთლი, საშუალოდ, $3.55 ჯდება. აღსანიშნავია, რომ კორბოდა ანდალუსიის რეგიონშიც გამოირჩევა იაფ ფასიანი ღვინით - სხვაობა რეგიონის საშუალოსთან 38%-ია.
10 ქალაქი, სადაც ერთი ბოთლი ღვინო ყველაზე იაფი ღირს:
- კორდობა, ესპანეთი - $3.55
- რომი, იტალია - $3.55
- სარაგოსა, ესპანეთი - $3.82
- მურსია, ესპანეთი - $4.04
- რეჯიო-კალაბრია, იტალია - $4.37
- ტაულონი, საფრანგეთი - $4.56
- კორუნია, ესპანეთი - $4.91
- მალაგა, ესპანეთი - $4.91
- ალიკანტე, ესპანეთი - $4.91
- ტარანტო, იტალია - $4.91
წყარო: bm.ge
