Lidl-მა ერთი ძალიან მნიშვნელოვანი გადაწყვეტილება მიიღო, ბევრი იფიქრა თუ ცოტა, მიხვდა, რომ კრუასანის მიმზიდველობა მხოლოდ საცხობში არ უნდა ჩაკარგულიყო, ამიტომაც სუნამო ჩვენი საყვარელი ფუნთუშეულის სუნით გამოუშვა. 15 მლ შეფუთვით სულ 100 ცალი შესთავაზა მომხმარებლებს, რაღა თქმა უნდა, კრუასანის ფორმის ბოთლშია ჩამოსხმული და ოქროსფერი შეფერილობა აქვს. Eau de Croissant-ზე ბრიტანულ პარფიუმერ სარა მაკკარტნისთან იმუშავა, რომელსაც „გაერთიანებული სამეფოს პარფიუმერიის ფერიას“ უწოდებენ…
თუმცა კრუასანის სუნამო არც მაღაზიებში გაიყიდება და არც ონლაინ. ბრენდი თითოეულს ამერიკაში ინსტაგრამის საშუალებით გაათამაშებს. ამგვარად, 18 დეკემბრამდე პირობები ასეთია: აშშ-ში მცხოვრებმა მომხმარებლებმა Lidl-ის გვერდი უნდა გამოიწერონ და გათამაშების პოსტში ჩაერთონ.
