Georgian Airways-ის ავიაპარკს Boeing 737-800 შეემატა. 

ავიაკომპანიის დამფუძნებელი თამაზ გაიაშვილი ამბობს, რომ Boeing 737-800 უკვე არსებულ რეისებზე, ევროპის მიმართულებით იფრენს.

„ახალი ბორტი ევროპაში იფრენს. სექტემბრიდან ვგეგმავთ ბრიუსელის დამატებასაც“, - ამბობს თამაზ გაიაშვილი.

Titan Aircraft Investments-მა Georgian Airlines-ისთვის Boeing 737-800 სატვირთო საჰაერო ხომალდის მშრალი ლიზინგის წესით გადაცემის შესახებ განცხადება გასული წლის დეკემბერში გააკეთა. მათი ინფორმაციით, აღნიშნულ აქტივს მართავს Atlas Air Worldwide Holdings Inc-ის შვილობილი Titan Aviation Holdings-ი.

2000 წლიდან „ჯორჯიან ეარვეის“-მა საბჭოური თვითმფრინავებით დაკომპლექტებული ავიაპარკის განახლება დაიწყო და დღეს მის რეისებს  BOEING-ის და CRJ-ის ტიპის ავიალაინერები ასრულებენ.

დღეისათვის ავიაკომპანიის მფლობელობაშია:

  • ერთი BOEING 737-700  სავარძლების საერთო რაოდენობით 133, მათ შორის, 12 ბიზნესკლასის და 121 ეკონომკლასის;
  • ერთი CRJ 200  სავარძლების საერთო რაოდენობით 50, მათ შორის,  6 ბიზნესკლასის და  44 ეკონომკლასის;
  • ერთი BOEING 737-800 სავარძლების საერთო რაოდენობით 180, მათ შორის 12 ბიზნესკლასის და 168 ეკონომ კლასის.
  • ერთი სატვირთო BOEING 737-800.