ახალი ავტომობილის შეძენა მომხმარებლებისთვის სულ უფრო რთული ხდება. Edmunds-ის მონაცემებით, აშშ-ის ბაზარზე ახალი ავტომობილის საშუალო ტრანზაქციის ფასი 2025 წელს 48 402 დოლარამდე გაიზარდა, მაშინ როცა 2019 წელს ეს მაჩვენებელი 37 310 დოლარი იყო. ეს ნიშნავს, რომ ექვს წელიწადში ახალი ავტომობილი საშუალოდ თითქმის 11 000 დოლარით, ანუ დაახლოებით 30%-ით გაძვირდა.
ფასების ზრდა მხოლოდ პანდემიის შედეგი არ არის. ტენდენცია მანამდეც დაიწყო, რადგან მომხმარებლები უფრო დიდი ზომის, ტექნოლოგიურად აღჭურვილ და ძვირადღირებულ მოდელებს ითხოვდნენ, ავტომწარმოებლები კი იაფი ავტომობილების წარმოებას ნელ-ნელა შორდებოდნენ. თუ რამდენიმე წლის წინ 25 000 დოლარით ახალ მანქანაზე არჩევანის გაკეთება რეალური იყო, დღეს ამ ბიუჯეტში ბაზარზე ძალიან ცოტა ვარიანტი რჩება.
Edmunds-ის ანალიზი აჩვენებს, რომ 2025 წელს 20 000 დოლარად ან უფრო იაფად ახალი ავტომობილების მხოლოდ 0.2% გაიყიდა, მაშინ როცა 2019 წელს ეს წილი 5.5% იყო. კიდევ უფრო მკვეთრია ცვლილება 25 000 დოლარამდე სეგმენტში: 2019 წელს ამ ფასში ახალი ავტომობილების 21% იყიდებოდა, 2025 წელს კი მხოლოდ 4.7%.
ბაზარი განსაკუთრებით სწრაფად იცვლება დაბალბიუჯეტიან სეგმენტში. 30 000 დოლარზე ნაკლები ღირებულების მანქანები 2019 წელს გაყიდვების დაახლოებით 40%-ს შეადგენდა, 2025 წელს კი მათი წილი 15%-მდე შემცირდა. ამავე დროს, 35 000 დოლარამდე ავტომობილები, რომლებიც ადრე ბაზრის უმრავლესობას ქმნიდა, ახლა გაყიდვების 30%-საც ვეღარ აღწევს.
პარალელურად, ძვირადღირებული ავტომობილების წილი გაიზარდა. 2025 წელს ახალი მანქანების 36% 50 000 დოლარზე მაღალ ფასად გაიყიდა, მაშინ როცა 2019 წელს ეს მაჩვენებელი მხოლოდ 15% იყო. 60 000 დოლარზე ძვირი ავტომობილების წილიც მნიშვნელოვნად გაიზარდა და ახალი ბაზარი უფრო მეტად მაღალი შემოსავლის მქონე მყიდველებზე მორგებული გახდა.
საბოლოოდ, ახალი ავტომობილი საშუალო მომხმარებლისთვის უფრო მიუწვდომელი ხდება. თუ ავტომწარმოებლები იაფი მოდელების დაბრუნებას არ დააჩქარებენ, მყი
