უნგრეთი ევროკავშირის ყველაზე ღარიბი ქვეყანა გახდა.
Eurostat-ის 2025 წლის 18 ივნისის მონაცემების თანახმად, უნგრეთი რეალური ინდივიდუალური მოხმარების (AIC) მაჩვენებლით ერთ სულ მოსახლეზე ევროპის ქვეყნებს შორის, ბოლო ადგილზეა.
ანგარიშის მიხედვით, უნგრული ოჯახები ამჟამად ევროკავშირის საშუალო მაჩვენებლის მხოლოდ 72%-ს მოიხმარენ, რაც 27 სახელმწიფოს შორის ყველაზე დაბალი მაჩვენებელია.
რეალური ინდივიდუალური მოხმარება (AIC) გულისხმობს საქონლისა და მომსახურების მთლიან ღირებულებას, რომელსაც ინდივიდები რეალურად მოიხმარენ. ის მატერიალური კეთილდღეობის მთავარი მაჩვენებელია, რომელიც ხშირად გამოიყენება საერთაშორისო შედარებებში, რადგან მასზე ნაკლებად მოქმედებს ის, თუ როგორ ფინანსდება ქვეყანაში ისეთი სერვისები, როგორიცაა ჯანდაცვა და განათლება.
