ევროპის კოსმოსურმა სააგენტომ ორი თანამგზავრი გაუშვა, რომლებიც პლანეტის ჯანმრთელობას დააკვირდებიან. პირველმა მათგანმა, Copernicus Sentinel-3C-მ, დაიწყო ზღვის ზედაპირის ტემპერატურის 24 საათიანი გაზომვა და წყლის ფერის უმცირესი ცვლილებებით საშიში წყალმცენარეების ყვავილობის დროულად აღმოჩენა.
მისი მთავარი სიამაყე კოსმოსური ალტიმეტრია. ეს მოწყობილობა წყლის ტოპოგრაფიას სკანირებს და მსოფლიო ოკეანის ზღვის დონის სიმაღლეს 1-3 სანტიმეტრის სიზუსტით განსაზღვრავს, რაც მეცნიერებს კლიმატის უმცირესი ცვლილებების შემჩნევაში ეხმარება.
მეორე თანამგზავრი, Flex, ორიენტირებულია „მცენარეთა სუნთქვაზე“ — ის იკვლევს ხმელეთზე არსებულ მწვანე სივრცეს. ეს არის მსოფლიოში პირველი კოსმოსური ხომალდი, რომელიც სპეციალურად ქლოროფილის ნათების აღმოსაჩენად არის შექმნილი.
