შესაძლოა, უკრაინაში ომი მომდევნო 90 დღის განმავლობაში დასრულდეს, - ამის შესახებ ნატო-ში აშშ-ის ელჩმა, მეთიუ უიტაკერმა განაცხადა.
„თუ ამას მივაღწევთ, მაშინ ეს მომდევნო 90 დღის განმავლობაში მოხდება. ვფიქრობ, საკამათო საკითხების უმეტესობა მოვაგვარეთ. ვფიქრობ, ახლა ახლოს ვართ ისე, როგორც არასდროს. თუმცა, არის საკითხები, რომლებიც ჯერ კიდევ უნდა გადაწყდეს, რათა მხარეებმა შეთანხმებას მიაღწიონ“, - განაცხადა მეთიუ უიტაკერმა.
მისი თქმით, აშშ-ის პრეზიდენტს, დონალდ ტრამპს სწორი მიდგომა აქვს, რადგან მას მკვლელობების დასრულება სურს.
„ეს უაზრობაა, რომელიც უკვე ოთხი წელია გრძელდება. სტრატეგიული უპირატესობის მოპოვებას ვერავინ ახერხებს. მკვლელობები და ნგრევა უნდა დასრულდეს“, - აღნიშნა ელჩმა.
ipn.ge
