რუსეთის კომუნიკაციების მარეგულირებელმა ორგანომ, იგივე „როსკომნადზორმა“ ოფიციალურად დაადასტურა, რომ ნაწილობრივ შეიზღუდა სატელეფონო ზარები Telegram-სა და WhatsApp-ში.
რუსეთის ხელისუფლება უკვე დიდი ხანია, სხვადასხვა გზით, მიზანმიმართულად ზღუდავს ინტერნეტზე წვდომას რუსეთის მოქალაქეებისთვის.
„სამართალდამცავი ორგანოების ცნობით და მოქალაქეების მრავალი მიმართვით, უცხოელი მესენჯერები Telegram-ი და WhatsApp-ი გახდა ძირითადი ხმოვანი სერვისები, რომლებიც გამოიყენება ფულის მოტყუებისა და გამოძალვისთვის, ასევე რუსეთის მოქალაქეების დივერსიულ და ტერორისტულ საქმიანობაში ჩასართავად“, - ციტირებს RBC სააგენტოს პრესსამსახურის განცხადებას.
გასული კვირის ბოლოდან ხმოვანი ზარები და რეგულარული მიმოწერაც კი წყვეტილად მუშაობს რუსი Telegram-ისა და WhatsApp-ის მომხმარებლებისთვის.
მესენჯერებში კომუნიკაციასთან დაკავშირებული პრობლემები ივნისის ბოლოს და ივლისის დასაწყისში დაფიქსირდა. გაზეთ „კომერსანტის“ ტელეკომუნიკაციების ბაზარზე მომუშავე წყაროს ცნობით, 1 აგვისტოდან ხელისუფლებამ მესენჯერებში ზარების დაბლოკვის შერჩევითი ტესტირება დაიწყო.
