რუსეთის წინააღმდეგ ევროკავშირის სანქციების ახალი პაკეტი, რომელიც შეიძლება მოიცავდეს რუსეთში ფუფუნების საგნების მიწოდების გამკაცრებულ აკრძალვას, შესაძლოა 24 თებერვლამდე შეთანხმდეს, იტყობინება Euractiv ევროპელ დიპლომატზე დაყრდნობით.
„ევროკავშირის სანქციების მეოცე პაკეტი 24 თებერვლისთვის არის მოსალოდნელი“, - განუცხადა წყარომ გამოცემას.
Euractiv-ის ცნობით, ფინეთმა და შვედეთმა ევროკომისიას მოუწოდეს, უფრო მკაცრი აკრძალვა დააწესოს რუსეთში ფუფუნების საგნების ექსპორტზე, უკანონოდ გამოაცხადოს რუსული ნავთობტანკერების მომსახურება და შეამციროს ევროკავშირის კვოტები რუსული სასუქების იმპორტზე.
300 ევროზე მეტი ღირებულების ფუფუნების საგნების ექსპორტი უკვე აკრძალულია, თუმცა არსებობს სქემები, რომელთა მეშვეობითაც რუსეთში ბევრი ასეთი საქონელი მაინც იყიდება, – აღნიშნა გამოცემამ.
