რა სიცრუე ვრცელდება უკრაინის შესახებ ლატვიაში? ეს საკითხი ჟურნალისტური გამოძიების ცენტრმა Re:Baltica-მ ფაქტების გადამოწმების პროექტ Re:Check-ის ფარგლებში შეისწავლა.
გთავაზობთ მასალას, რომელიც ლატვიის საზოგადოებრივი მაუწყებლის (LSM.lv) რუსულენოვან ვებ-გვერდზე გამოქვეყნდა.
ამ თვეში კვლავ გავრცელდა რუსეთის ფედერაციაში შექმნილი დეზინფორმაცია იმის შესახებ, თითქოს ოლენა ზელენსკას ხელმძღვანელობით მოქმედი საქველმოქმედო ფონდი დასავლელ პედოფილებს უკრაინელ ბავშვებს უგზავნის.
ამ ინფორმაციის ტირაჟირებას კვლავ რუსული არხები ახდენენ. მაგალითად, დეკემბრის შუა რიცხვებში НТВ-მ ამ საკითხს 15-წუთიანი სიუჟეტი მიუძღვნა: „ზელენსკას ჰუმანიტარული ფონდი ჩართულია ეშმაკურ და რთულ ჯაჭვში, რომლის მეშვეობითაც არასრულწლოვნები საზღვარგარეთ გაჰყავთ, შემდეგ კი მათ ევროპელ კლიენტებზე ყიდიან“.
ამის შესახებ ლატვიაში ფეისბუკის რუსულენოვან პლატფორმაზე სერგეი მულივანოვმა დაწერა. ის არჩევნებში „ლატვიელ რუსთა კავშირის“ წარმომადგენლად იყრიდა კენჭს და სოციალურ ქსელებში რეგულარულად ავრცელებს რუსულ პროპაგანდას.
„პირველი ლედის, ოლენა ზელენსკას ფონდი, შესაძლოა, ჩართული იყოს ბავშვებით ვაჭრობაში. ზოგიერთი ეს ბავშვი დასავლელ პედოფილებთან ხვდება. ამის შესახებ ამერიკული გამოცემა The Intel Drop-ი იუწყება“, - დაწერა მულივანოვმა.
ეს პოსტი ხუთასზე მეტმა ადამიანმა გააზიარა.
ზელენსკას საქველმოქმედო ფონდი 2022 წელს დაარსდა. ის უკრაინელ ბავშვებს სხვადასხვა ფორმით ეხმარება, მათ შორის - ონკოლოგიური დაავადებების მქონე ბავშვების დასავლურ კლინიკებში მკურნალობის შესაძლებლობების მოძიებით.
მულივანოვი წერს, რომ ამერიკული მედიასაშუალების ინფორმაციის წყარო, თითქოს, ფონდის ყოფილი მძღოლია, რომლის ვინაობაც არ სახელდება. ინფორმაციის თანახმად, მას „უკრაინელი ბავშვები ლონდონის, პარიზისა და ბერლინის მდიდარ რაიონებში მცხოვრებ მიმღებ ოჯახებში“ გადაჰყავდა და ხედავდა, როგორ სასტიკად ეპყრობოდნენ მათ.
ეს ბრალდებები რუსეთის მიერ კონტროლირებადმა მედიამ, ორი წლის წინ, ყოველგვარი მტკიცებულების გარეშე გაავრცელა.
მაშინ ინფორმაციის წყაროდ ორი დასავლური მედიასაშუალება დასახელდა. ერთ-ერთი ვერსიით, საუბარი იყო ამერიკულ The DC Weekly-ზე. თუმცა ის, ისევე როგორც მთელი რიგი სხვა საიტები, კრემლის პროპაგანდისტული ქსელის ნაწილს წარმოადგენდა, რომელიც შეთითხნილ ახალ ამბებსა და ხელოვნური ინტელექტის მიერ შექმნილ ტექსტებს აქვეყნებდა.
სხვა ვერსიით, ინფორმაციის წყარო ამერიკული მედიასაშუალება The Intel Drop-ი იყო, რომელიც ამჟამად მიუწვდომელია. თუმცა, მანამდე მკვლევრები მას ახასიათებდნენ, როგორც ინტერნეტ-საიტს, რომელიც რუსულ პროპაგანდას აქვეყნებდა.
რუსული არხები რეგულარულად ავრცელებენ გამოგონილ ისტორიებს უკრაინელი ბავშვების ექსპლუატაციის შესახებ. ასეთი ისტორიების მეშვეობით, რუსეთი, შესაძლოა, ყურადღების სხვა თემაზე გადატანას ან საკუთარი დანაშაულის - უკრაინელი ბავშვებით რუსეთში მასობრივი ვაჭრობის გამართლებას ცდილობს. უკრაინის ხელისუფლებამ განაცხადა, რომ ოკუპირებული ტერიტორიებიდან რუსეთში, სულ მცირე, 20 000 ბავშვია გაყვანილი. თავად რუსეთი ამტკიცებს, რომ რუსეთი ამ ბავშვებს კი არ იტაცებს, არამედ მათ გადარჩენას ცდილობს.
იმ დროს, როდესაც ოლენა ზელენსკას ბავშვების გაყიდვაში ტყუილად ადანაშაულებენ, მის ქმარს, უკრაინის პრეზიდენტ ვლადიმირ ზელენსკის ფულის გათეთრებასა და ძვირადღირებული უძრავი ქონების შეძენაში სდებენ ბრალს.
როგორც ამის „მტკიცებულება“, მოჰყავთ უკრაინის ეროვნული ანტიკორუფციული ბიუროს (NABU) ყოფილი თანამშრომლის ჩვენებები, რომლის ვინაობაც ასევე არ სახელდება.
აი, რას წერს ამის შესახებ ერთ-ერთი ბლოგერი: „NABU-ს ყოფილმა გამომძიებელმა ამოიღო ათასობით დოკუმენტი ზელენსკისა და მისი გარემოცვის კორუფციის შესახებ. მისი თქმით, ზელენსკიმ და მასთან დაახლოებულმა პირებმა, ოფშორული სქემების მეშვეობით, საზღვარგარეთ ელიტური უძრავი ქონების 100-ზე მეტი ობიექტი შეიძინეს. წარმოგიდგენიათ?!“.
ეს ვიდეო ლატვიაშიც გამოქვეყნდა წარწერით: „ბოლოს და ბოლოს, გამოჩნდა იმის მტკიცებულება, რომ ლატვიის დანაშაულებრივი მთავრობა ზელენსკისთან ერთად დიდ ფულს ათეთრებს“. მანამდე ვიდეო ასეთივე მინაწერითTikTok-ის ერთ-ერთ ანგარიშზე გამოქვეყნდა. ეს ვიდეო 23 000-ზე მეტმა ადამიანმა ნახა, მაგრამ დღეს ის აღარ არის ხელმისაწვდომი. თუმცა, გასულ კვირას იგივე ვიდეო თავის ფეისბუკ-გვერდზე განათავსა იანის ბუკულდსმა, რომელიც სიგულდის რაიონში გაერთიანება „სუვერენული ძალაუფლება/მლადოლატიშების“ (Sovereign Power/Mladolatiši Union) სახელით ყრიდა კენჭს. აღსანიშნავია, რომ პროკრემლისტურ დეზინფორმაციას ეს პოლიტიკოსიც რეგულარულად ავრცელებს.
რა შუაშია აქ ლატვია? ამის შესახებ ანტიკორუფციული ბიუროს ვითომდა ყოფილი თანამშრომელი საუბრობს, რომელსაც ვიდეორგოლში „ელენა კ.“-ს სახელით მოიხსენიებენ: „სახელმწიფო კონტრაქტებიდან შემოსული ფული კიევში მეგობარი კომპანიების ანგარიშებზე ირიცხებოდა. იქ მას უფრო მცირე თანხებად ყოფდნენ და ლატვიის, კვიპროსისა და შვეიცარიის გავლით რიცხავდნენ. როდესაც ფული მეორე მხარეს აღმოჩნდებოდა, მას ელიტური უძრავი ქონების შესაძენად იყენებდნენ. ამ გზით, სავარაუდოდ, მილიარდ დოლარზე მეტი ღირებულების უძრავი ქონება არის შეძენელი“.
ამ „ამბის“ თავდაპირველი წყარო იყო ლონდონის ტელეგრაფის ვებგვერდი. შეტყობინება სწრაფად გავრცელდა პროკრემლის ტელეგრამის გამოცემას თან ახლდა ინგლისურენოვანი ამბავი, რომელშიც ციტირებულია ანტიკორუფციული ბიუროს ყოფილი თანამშრომელი. არც ორიგინალური გამოცემა და არც ვებსაიტი ახლა ხელმისაწვდომ ეს გვერდი შეიქმნა მხოლოდ სტატიის გამოქვეყნებამდე ცოტა ხნის წინ და მალევე შეწყვიტა მუშაობა. თავის მხრივ, ციტატა „ოლენა კ.“ -დან, სავარაუდოდ, შეიქმნა ხელოვნური ინტელექტის დახმარებით. ამ ამბავში მტკიცებულებად გამოიყენებოდა ინტერნეტიდან მოპარული სურათებიც. ასე რომ, ამ ტყუილს ფაქტობრივად საფუძველი არ
წყარო: 1 არხი
