სპორტული ტანსაცმლისა და ფეხსაცმლის მწარმოებელმა New Balance-მა სპორტული პროდუქციის საცალო ვაჭრობის კომპანია Decathlon-ის წინააღმდეგ სასამართლოს მიმართა. დავის მიზეზი Decathlon-ის ერთ-ერთი სარბენი ფეხსაცმლის ლოგოა, რომელიც New Balance-ის შეფასებით, კომპანიის სავაჭრო ნიშნით დაცულ „N“ სიმბოლოს იმდენად ჰგავს, რომ მომხმარებელს შესაძლოა ბრენდები ერთმანეთში აერიოს.
New Balance-ის „N“ ლოგო კომპანიას 1970-იანი წლებიდან აქვს გამოყენებული და მისი სავაჭრო ნიშნით არის დაცული.
კომპანიის ინფორმაციით, New Balance-მა Decathlon-თან სადავო საკითხის სასამართლოს გარეშე მოგვარება წლის დასაწყისში სცადა, თუმცა შეთანხმება ვერ შედგა. შედეგად, დავა სასამართლოში გაგრძელდა.
New Balance სასამართლოსგან სადავო ლოგოს გამოყენების აკრძალვას, უკვე წარმოებული პროდუქციის განადგურებასა და ფინანსური კომპენსაციის დაკისრებას ითხოვს.
ლოგოსა და ბრენდული იდენტობის გამო კომპანიებს შორის სამართლებრივი დავები არცთუ იშვიათია. ამ შემთხვევაში კი საკითხს დამატებით მნიშვნელობას ის გარემოება სძენს, რომ New Balance და Decathlon სპორტული ტანსაცმლისა და ფეხსაცმლის ერთსა და იმავე ბაზარზე საქმიანობენ.
მოკლე და მკაფიო ლიდი დაამატე
