პერუში ჩინჩეროს საერთაშორისო აეროპორტის დასრულება 2027 წლის ბოლოსთვისაა დაგეგმილი. მისი გაჩენით, ინკების ცნობილ ციხესიმაგრე მაჩუ-პიქჩუმდე მგზავრობის დრო მნიშვნელოვნად შემცირდება.
პროექტის განხორციელებას წლების განმავლობაში თან ახლდა მრავალი პრობლემა, მათ შორის დაფინანსების დეფიციტი და კორუფციული სკანდალები.
ახალი აეროპორტი ანდებში, ისტორიული ქალაქის, ჩინჩეროს გარეუბანში განთავსდება და წელიწადში 8 მილიონამდე მგზავრის მომსახურებაზეა გათვლილი.
ანალიტიკოსების შეფასებით, ჰაბი რეგიონში მიიზიდავს 200%-ით მეტ ვიზიტორს ვიდრე ამჟამად იღებს.
თუმცა, ადგილობრივი თემების წარმომადგენლები, არქეოლოგები და გარემოს დამცველები აფრთხილებენ ახალი ობიექტის ამოქმედების შესაძლო შედეგებზე.
საქმე ისაა, რომ მაჩუ-პიქჩუში ვიზიტორების რაოდენობაზე ყოველდღიური შეზღუდვები უკვე დაწესდა. ტურისტების რაოდენობის ზრდამ შესაძლოა უძველესი ცივილიზაციის მყიფე ძეგლების განადგურება გამოიწვიოს.
სამშენებლო სამუშაოები საფრთხეს უქმნის ადგილობრივ ლანდშაფტებს, ტერასებსა და ბილიკებს, რომლებიც ინკებმა დააპროექტეს, – ამბობენ სპეციალისტები.
ვრცლად buyingbusinesstravel – ზე
