გერმანია მეორე მსოფლიო ომის შემდეგ ყველაზე ხანგრძლივი ეკონომიკური სტაგნაციის შესაჩერებლად თავდაცვის სექტორს ეყრდნობოდა და ფაქტობრივად „იარაღის ქარხანად“ გადაიქცა, იუწყება Wall Street Journal.
როგორც გამოცემა წერს, გერმანიის ეკონომიკური მოდელი, რომელიც დიდი ხანია საავტომობილო სექტორზეა დამოკიდებული, ჩინური ელექტრომობილების მოთხოვნის შემცირებისა და კონკურენციის გამო ნგრევას იწყებს.
სამთავრობო მონაცემებით, გერმანიის ინდუსტრიაში ყოველთვიურად დაახლოებით 15 000 სამუშაო ადგილი იკარგება, მათ შორის საავტომობილო სექტორში, რომელიც ოდესღაც ეკონომიკისთვის მნიშვნელოვანი იყო. მსხვილი ავტომწარმოებლები მოგების მკვეთრ შემცირებას აფიქსირებენ: Mercedes-Benz-ის აქციები 49%-ით დაეცა, ხოლო Volkswagen-ის - 44%-ით.
„პასუხი ისეთივე რადიკალურია, როგორც თავად კრიზისი: სამრეწველო ბაზის, როგორც დასავლეთის არსენალის, გადახედვა“, - წერს WSJ.
ამერიკული უსაფრთხოების გარანტიების შესუსტებისა და რუსული აგრესიის შიშის ფონზე, მთავრობამ თავდაცვის დაფინანსებიდან თითქმის ტრილიონი ევრო განბლოკა. თავდაცვის ტექნოლოგიებში ევროპული ვენჩურული კაპიტალის თითქმის 90% ახლა გერმანულ კომპანიებზე მოდის.
