ოფიციალური ბრიუსელი ევროკავშირის ქვეყნებში შემავალი დაბალი ღირებულების პროდუქციაზე საბაჟო გადასახადების დაწესებას დააჩქარებს, - ინფორმაციას ამის შესახებ Reuters ავრცელებს.
წყაროს მიხედვით, ინიციატივის მიზანი ევროკავშირში ჩინური დაბალფასიანი ელექტროკომერციის იმპორტის (Shein და Temu) შემცირებაა.
აღსანიშნავია, რომ სანქციების დაწესება საფრანგეთის ბაზარზე Shein-ის მიერ წარმოებულმა ბავშვის სექსთოჯინების გაყიდვამ დააჩქარა.
გარდა ამისა, ევროკავშირში შემავალი დაბალი ღირებულების ამანათების რაოდენობა გასულ წელს გაორმაგდა და 4.6 მილიარდს მიაღწია, მათგან 90%-ზე მეტი ჩინეთიდან მოდის.
