ევროკავშირი კიბერბულინგის წინააღმდეგ ბრძოლის ახალ ეტაპზე გადადის - ინტერნეტში ბულინგზე, რომელიც შეიძლება 24 საათის განმავლობაში გაგრძელდეს და სერიოზული ზიანი მიაყენოს ადამიანის ფსიქიკურ და ფიზიკურ ჯანმრთელობას.
ევროკავშირს სურს, რომ ბავშვებს, მოზარდებსა და ახალგაზრდებს შეეძლოთ ასეთი შემთხვევების შესახებ დროულად შეტყობინება, დახმარების მიღება და საკუთარი უფლებების დაცვა ონლაინ რეჟიმში.
გეგმის ერთ-ერთი მთავარი ელემენტია კიბერბულინგის მსხვერპლთა მხარდასაჭერად პანევროპული ონლაინ პლატფორმა. ის საშუალებას მისცემს ადამიანებს სწრაფად მოიძიონ მხარდაჭერა, შეინახონ ბულინგის მტკიცებულებები და გაუზიარონ ისინი ეროვნულ დახმარების სამსახურებს.
ასევე იგეგმება ამ ინსტრუმენტის პოპულარულ სოციალური მედიის პლატფორმებზე ხელმისაწვდომობა: აპლიკაციებში პირდაპირ ინტეგრირებული იქნება შეტყობინების ღილაკი, რაც მოზარდებს საშუალებას მისცემს, ერთი დაწკაპუნებით შეატყობინონ კიბერბულინგის შესახებ. 2026 წლის სექტემბრისთვის ეს ინსტრუმენტი ხელმისაწვდომი იქნება ყველა ძირითად სოციალურ მედია პლატფორმაზე, მათ შორის TikTok-სა და YouTube-ზე.
