UFC-ს პრეზიდენტის, დანა უაითის განცხადებით, ჯოშ ჰოკიტისა და დერიკ ლუისის დაპირისპირება თეთრი სახლის ღონისძიებას დაემატება.
მისივე თქმით, ჰოკიტმა ბრძოლაზე თანხმობა მანამდე განაცხადა, სანამ UFC 327-ის შემდეგ საავადმყოფოში წავიდოდა, ხოლო დონალდ ტრამპმა პირადად მოითხოვა, რომ დერიკ ლუისი ამ ღონისძიებაში ყოფილიყო. უაითმა აღნიშნა, რომ თავდაპირველად ამ ბრძოლის ჩასმა არ სურდა, თუმცა ტრამპის თხოვნა გაითვალისწინა. აქამდე თეთრ სახლში ხუთი ბრძოლა იყო დაგეგმილი.
„პრეზიდენტმა დაახლოებით ერთი საათით ადრე მკითხა, რატომ არ იყო დერიკ ლუისი თეთრი სახლის ღონისძიებაზე. ვუთხარი, რომ ცოტა ხანში დავუბრუნდებოდი. ამის შემდეგ ნიკ მეინარდს დავავალე, დერიკისთვის ოპონენტი მოეძებნა.
ჰოკიტის ბრძოლა დასრულდა და ნიკს ვუთხარი, მასთან მისულიყო და ეს საკითხი განეხილა“, – განაცხადა უაითმა.
თეთრი სახლის ღონისძიება 14 ივნისს გაიმართება, რომლის მთავარ ბრძოლაში ილია თოფურია ჯასტინ გეიჯის შეხვდება. რაც შეეხება ჰოკიტს, 12 აპრილს UFC 327-ზე მან კურტის ბლეიდსი დაამარცხა.
