Boeing–ის ინჟინრებმა დაამტკიცეს კომპანიის კოლექტიური მოლაპარაკების შეთანხმების უახლესი წინადადება, რითაც დასრულდა გაფიცვის საფრთხე, რომელსაც შეეძლო მნიშვნელოვნად გაეუარესებინა სიტუაცია ამერიკული ავიაგიგანტისთვის.
კომპანიის ინჟინრებისა და ტექნიკოსების წარმომადგენელი პროფკავშირი, აერონავტიკის დარგის პროფესიონალი ინჟინერიის თანამშრომელთა საზოგადოება (SPEEA), რამდენიმე თვის განმავლობაში მენეჯმენტთან ახალ კოლექტიურ ხელშეკრულებაზე მოლაპარაკებებს აწარმოებდა. The Wall Street Journal-ი წერს, რომ პროფკავშირის დაახლოებით 17 ათასი წევრიდან უმრავლესობამ ბოლო კვირის განმავლობაში მას მხარი დაუჭირა.
1 ოქტომბერს SPEEA-მ განაცხადა, რომ პროფკავშირის 13 000 ინჟინრიდან და მეცნიერიდან დაახლოებით 68%-მა მხარი დაუჭირა შეთანხმებას. ტექნიკურ სპეციალისტებს შორის, ხმების 53%-მა მხარი დაუჭირა ახალ შეთანხმებას.
