ალისონ ბეკერის ტრავმა გაცილებით სერიოზული აღმოჩნდა, ვიდრე თავდაპირველად ვარაუდობდნენ, ბრაზილიელი „ლივერპულს“ სეზონის ბოლომდე ვერ დაეხმარება. დარჩენილ შეხვედრებში გუნდის კარს გიორგი მამარდაშვილი დაიცავს, – ინფორმაციას This Is Anfield-ი ავრცელებს.
„არნე სლოტმა დაადასტურა ალისონის ხანგრძლივი ტრავმა და განაცხადა, რომ ის „პარი სენ-ჟერმენთან“ ორივე მატჩს გამოტოვებს და მხოლოდ სეზონის ბოლოსთვის შეიძლება დაბრუნდეს.
ბრაზილიელის მდგომარეობაზე სლოტს „მანჩესტერ სიტისთან“ ასოციაციის თასის მეოთხედფინალური მატჩის წინ ჰკითხეს.
„ის გამოტოვებს არა მხოლოდ ამ შეხვედრას, არამედ „პარი სენ-ჟერმენთან“ ორივე მატჩსაც. საერთო ჯამში, ალისონი უფრო ხანგრძლივი პერიოდით დაგვაკლდება, თუმცა ველით, რომ სეზონის ბოლოსთვის ფორმაში იქნება“, – ამბობს სლოტი.
ბრაზილიელის არყოფნა ნიშნავს, რომ გიორგი მამარდაშვილი სეზონის ყველაზე მნიშვნელოვან მატჩებში მწვრთნელის მთავარი არჩევანი იქნება. „ლივერპული“ ჩემპიონთა ლიგის, ასოციაციის თასის ტიტულებისა და პრემიერლიგის ხუთეულში ადგილისთვის იბრძვის“, – წერს გამოცემა.
