ყველას, ვისაც ოდესმე უცდია წონის დაკლება და სხვებთანაც უხსენებია ეს თემა, კარგად ეცოდინება, რას ნიშნავს არასასურველი რჩევების მიღება. MedExpress-ის ახალი რეკლამა სწორედ ამ კულტურას დასცინის ჭკვიანური და ირონიული სიუჟეტით, რომელიც არამკითხე მრჩეველებს ეხმიანება.
რეკლამა შექმნილია Pentagram-ის მიერ, კერძოდ მისი Brand Narrative გუნდისგან, ხოლო რეჟისორია ლაჩლან დიკი. მოქმედება კაფეში ვითარდება, თუმცა ყველაფერი სწრაფად იცვლება, როცა კაფეში მყოფი ადამიანები ერთმანეთის მიყოლებით იწყებენ სულ უფრო ენთუზიაზმით სავსე, გაუგებარ და სიურრეალისტურ რჩევებს წონის დაკლების შესახებ. მთავარი პერსონაჟი იბნევა და ღიზიანდება.
ფილმი კულმინაციას აღწევს იმ მომენტში, როცა უცნობები ხმამაღლა ყვირილს იწყებენ: „რჩევა, რჩევა, რჩევა“. ბოლოს კი სცენაში MedExpress-ის თანამშრომელი შემოდის და სთავაზობს, MedExpress-ს მიმართოს: „ჯანდაცვა ზედმეტი ხმაურის გარეშე”.
რეკლამის იანვარში გაშვება სიმბოლურია, რადგან ამ პერიოდში, ახალი წლის შემდეგ ბევრი ადამიანისთვის ხდება აქტუალური წონაში კლების პრობლემა და მერე მასთან დაკავშირებული უაზრო რჩევები თუ კომენტარები.
აღნიშნული კამპანია, ერთი მხრივ, ემპათიური, მეორე მხრივ კი – ირონიულია. თუმცა საბოლოოდ MedExpress-ს წარმოაჩენს როგორც მოკავშირეს, რომელსაც ესმის ადამიანების. შემქმნელებიც იმას აღნიშნავენ, რომ ბევრი ასეთი რეკლამა ხშირად საკმაოდ უხეში და გამკიცხველია, რაც გუნდისთვის მიუღებელია, ამიტომ სურდათ რაღაც განსხვავებულის გაკეთება, რომელიც თან გასართობიც იქნებოდა და თან – სწორი აქცენტებით.
