თბილისობის პირველ დღეს, 20 სექტემბერს დედაქალაქის მერიამ „საპატიო მოქალაქის“ სტატუსი გადასცა შვიდ ადამიანს, მათ შორის იყვნენ კულტურისა და მეცნიერების დარგის წარმომადგენლები. სიგელები მათ დედაქალაქის მოქმედმა მერმა, კახა კალაძემ გადასცა .
საპატიო მოქალაქის სტატუსით დააჯილდოვეს:
- ზურაბ აბაშიძე - დიპლომატი;
- ნოდარ მითაგვარია - ბიოლოგი;
- ჯენარო ქრისტესაშვილი - რეპროდუქტოლოგი;
- დავით ევგენიძე - კომპოზიტორი;
- ზურაბ თურმანიძე - ზოგადი ქირუდგი;
- ნოდარ ჩხარტიშვილი - ბიოლოგი;
- ნანული აბესაძე - მსახიობი.
„საპატიო თბილისელების“ გამოვლენამდე ცერემონიალების სასახლის (პრეზიდენტის ყოფილი რეზიდენცია ავლაბარში) ეზოში კონცერტი გაიმართა, სადაც იმღერა მაია ჯაბუამ.
კახა კალაძემ დაჯილდოებულ პირებს, საპატიო თბილისელის წოდების აღმნიშვნელ სიგელთან ერთად, დედაქალაქის სიმბოლური გასაღებიც გადასცა.
