თბილისში, 26 მაისის მოედანზე მდებარე სასტუმრო „ჰოლიდეი ინნ თბილისი“ ბიზნესმენ თემურ უგულავას ყოფილი მეუღლის, ნანა დავითაიას მიერ დაფუძნებული კომპანიის - „დექსი გრუპის“ საკუთრებაში გადავიდა. საჯარო რეესტრში შესაბამისი ცვლილება 2026 წლის ოქტომბერში დარეგისტრირდა.
აქამდე აღნიშნული სასტუმრო „აჭარა ჰოსპიტალიტის“ მფლობელობაში იყო.
ცვლილებები „აჭარა ჯგუფის“ დამფუძნებლის, თემურ უგულავას გარდაცვალებას უკავშირდება. ბიზნესმენი ხანგრძლივი ავადმყოფობის შემდეგ, 2026 წლის 22 ივნისს, აშშ-ში, ნიუ-იორკის შტატში გარდაიცვალა. მისმა პირველი რიგის მემკვიდრეებმა სამკვიდროს მიღების შესახებ ოფიციალური განცხადებები იმავე წლის 14 ივლისს წარადგინეს.
