წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2026 წლის I კვარტალში 271.2 მლნ. აშშ დოლარი შეადგინა, რაც 2025 წლის I კვარტლის წინასწარ მონაცემებზე 47.7 პროცენტით მეტია. ინფორმაციას საქსტატი აქვეყნებს.
მათივე ცნობით, ზრდა განპირობებულია პირდაპირი უცხოური ინვესტიციების ორი კომპონენტის: სააქციო კაპიტალის და სავალო ვალდებულებების მაჩვენებლის გაზრდით. 2026 წლის I კვარტალში სააქციო კაპიტალმა 101.6 მლნ. აშშ დოლარი შეადგინა, რაც მთლიანი პირდაპირი უცხოური ინვესტიციების 37.5 პროცენტია.
TOP-10 კომპანია, სადაც I კვარტალში ყველაზე დიდი რაოდენობის FDI ჩაიდო (საქსტატის სია არ არის დალაგებული რეიტინგის მიხედვით) შემდეგია:
- სს თელასი;
- სს საქორგგაზი;
- შპს თბილისი ენერჯი;
- აიდიეს ბორჯომი საქართველო, შპს აიდიეს ბორჯომი ბევერიჯიზ კომპანის საქართველოს ფილიალი;
- შპს მაგთიკომი;
- სს ბიჯეო ჯგუფი; [Lion Finance Group]
- შპს ტოიოტა კავკასია;
- შპს პაშა დეველოპმენტ ჯორჯია;
- შპს ვოლტარეს პაუერ პროჯექტს;
- შპს სოკარ მიდსთრიმ ოპერეიშენს - საქართველოს ფილიალი.
