დღის TOP10 საინტერესო ამბავი:

1. Factcheck: ნათია თურნავამ ეკონომიკურ ზრდასთან დაკავშირებით მცდარი განცხადება გააკეთა

„ფაქტ-მეტრის“ დასკვნით, ეკონომიკის მინისტრის ნათია თურნავას განცხადება, რომ „2021 წელს საქართველოში მაღალი ეკონომიკური ზრდა დაფიქსირდა, რაც მთავრობის სწორი და დაბალანსებული ეკონომიკური პოლიტიკის შედეგია“, არის მეტწილად მცდარი.

2. უცხოელები საქართველოში შეძენილ უძრავ ქონებას აქტიურად ყიდიან

საქართველოს უძრავი ქონების ბაზარი უცხოელებისთვის მიმზიდველებას კარგავს. თუკი რამდენიმე წლის წინ ვსაუბრობდით, რომ უცხო ქვეყნის მოქალაქეები ჩვენი ქვეყნის უძრავი ქონების მიმართ დიდ ინტერესს იჩენდნენ და ბაზარზე მაღალი აქტიურობით გამოირჩეოდნენ, ეს მიმზიდველობა ბოლო წლების განმავლობაში ნამდვილად არ შეიმჩნევა.

3. ინფლაციის თარგეთირების რეჟიმმა თავისი დრო მოჭამა - ლადო პაპავას რჩევა ეროვნულ ბანკს

ინფლაციის თარგეთირების რეჟიმმა თავისი დრო მოჭამა - ამის შესახებ პროფესორმა ლადო პაპავამ განაცხადა. მისი თქმით, არსებული ეკონომიკური ზრდა მოსახლეობის კეთილდღეობაზე თუ ვერ აისახა ადეკვატურად, როგორც ველოდით, ეს სწორედ იმის გამოა, რომ ქვეყანაში ინფლაცია აჭარბებს ეკონომიკური ზრდის მაჩვენებელს.

4. III კვარტალში საქართველოში უმუშევრობა 2.5%–ით გაიზარდა

2021 წლის III კვარტალში საქართველოში უმუშევრობის დონე წინა წლის შესაბამის პერიოდთან შედარებით 2.5 პროცენტული პუნქტით გაიზარდა და 19.5 პროცენტი შეადგინა. ინფორმაციას სტატისტიკის ეროვნული სამსახური ავრცელებს.

5. „გოცირიძის“ გახსნის თარიღი უცნობია - 10 თვეა მეტროსადგური მგზავრებს ვერ ემსახურება

„მეტროსადგურ „გოცირიძე“-ს მატარებელი გაივლის გაუჩერებლად“ -  ამ განცხადებას თბილისის მეტროპოლიტენის მგზავრები უკვე 10 თვეა ისმენენ. დედაქალაქის მთავრობა შექმნილი დისკომფორტისთვის მოსახლეობას ბოდიშის უხდის, თუმცა უწყებაში ამ დრომდე არ იციან, როდის აღადგენს სადგური „გოცირიძე“ მუშაობას.

6. „ლილო მოლში“ ყოველთვის შავი პარასკევი და ახალი წელია“ - როგორ ემზადება სავაჭრო ცენტრი დღესასწაულებისთვის

„სავაჭრო პროცესი ჩვეულ რეჟიმში მიმდინარეობს, ჯერჯერობით არავის უთქვამს, რომ ფასები გაიზარდა“, - ასე აფასებს წლიურ ინფლაციის განაკვეთს „ლილო მოლის“ გენერალური დირექტორი გიორგი კვარაცხელია.

7. სარესტორნო ბიზნესის მოთხოვნები და რეკომენდაციები მთავრობას - რატომ არ იმუშავებს „მწვანე პასპორტი“

სარესტორნო ბიზნესმა მთავრობასთან შეხვედრაზე „მწვანე პასპორტების“ მექანიზმის ამოქმედების საკითხები განიხილა. როგორც “კომერსანტთან“ რესტორატორთა ასოციაციის დამფუძნებელმა შოთა ბურჯანაძემ თქვა, მწვანე პასპორტების იდეა მისასალმებელია, თუმცა მისი შინაარსი მიუღებელი, რადგან როდესაც ქვეყანაში მხოლოდ 30% -ა აცრილი, ეს რეგულაცია ბიზნესს და ეკონომიკას ტვირთად დააწვება.

8. “მოძრაობის თეატრში“ მაყურებელი აქტიურად, მაგრამ რეგულაციების გამო შეზღუდული რაოდენობით დადის

პანდემია და ვირუსის გავრცელების პრევენციის მიზნით დაწესებული შეზღუდვები თეატრებისთვის საკმაოდ მძიმე აღმოჩნდა, პანდემიის განსაკუთრებული გავლენა კი კერძო თეატრებს დაეტყო, ერთ-ერთი ასეთი „მოძრაობის თეატრი“ იყო. თუმცა, მენეჯმენტმა იპოვა გადარჩენის გზა და ლოქდაუნის დროს,

9. გორში თევზის და ხიზილალის გადამამუშავებელი ქარხანა გაიხსნება

გორში თევზის გადამამუშავებელი ქარხანა 2022 წლის პირველ კვარტალში გაიხსნება. წარმოებული პროდუქტი ,,ქართული ორაგულის“ სახელწოდებით გაიყიდება ადგილობრივ ბაზარზე და ექსპორტზეც გავა. ქარხანაში ქართული ხიზილალის წარმოებაც გახდება შესაძლებელი.

10. იანვარ-ოქტომბერში ადგილობრივი ექსპორტი 26.9%–ით გაიზარდა

2021 წლის იანვარ-ოქტომბერში საქართველოდან განხორციელებული საქონლის ექსპორტის მოცულობამ (არადეკლარირებული ექსპორტის გარეშე) 3 392.5 მლნ. აშშ დოლარი შეადგინა, რაც 24.9 პროცენტით მეტია გასული წლის შესაბამისი პერიოდის მაჩვენებელზე.