სარესტორნო ბიზნესმა მთავრობასთან შეხვედრაზე „მწვანე პასპორტების“ მექანიზმის ამოქმედების საკითხები განიხილა. როგორც “კომერსანტთან“ რესტორატორთა ასოციაციის დამფუძნებელმა შოთა ბურჯანაძემ თქვა, მწვანე პასპორტების იდეა მისასალმებელია, თუმცა მისი შინაარსი მიუღებელი, რადგან როდესაც ქვეყანაში მხოლოდ 30% -ა აცრილი, ეს რეგულაცია ბიზნესს და ეკონომიკას ტვირთად დააწვება. ბურჯანაძემ ასევე აღნიშნა, რომ შეხვედრაზე ეკონომიკის მინისტრმა მათი წინადადებები მოისმინა და შეხვედრა მხოლოდ შეხვედრისთვის არ ყოფილა და სექტორი გადაწყვეტილებას ელოდება.

“შეხვედრა არ ყოფილა შეხვედრისთვის ,ის ლოგიკა, რომ “მწვანე პასპორტი მხოლოდ მიმსვლელისთვის არის სავალდებულო და არა  დამხვედრის — გაუგებარია, ჩვენი პოზიციაა, რომ მათ შორის განსხვავება არ უნდა იყოს ჩვენ ამის შესახებ მივაწოდეთ მინისტრს ინფორმაცია და რეალურად გაიზიარეს, ეს შეხვედრა იყო ხიდი ჩვენსა და საკოორდინაციო საბჭოს შორის, საბჭოში მივა ეს აზრი და ველოდებით უკვე გადაწყვეტილებას. ასევე აღსანიშნავია, რომ ერთი სფერო ამ პროცესს არ ყოფნის, ამას სჭირდება ისეთი სფეროების დამატება, რომლებიც საზოგადოებას იმუნიზაციისკენ უბიძგებს, წინააღმდეგ შემთხვევაში “მწვანე ზონას“ აზრი არ ექნება და იქნება მხოლოდ ფურცელზე დაწერილი კანონი, რომლის შესრულებასაც ვერც ერთი ბიზნეს ოპერატორი ვერ შეძლებს. ის რაც მწვანე პასპორტების იდეაა და განვითარებულ ქვეყნებშია აპრობირებული, ამას ჩვენ ვერ ვხედავთ საქართველოში, ეს რეგულაცია პირიქით დამატებითი წნეხია ბიზნესისთვის, რადგან მხოლოდ 30%-ა აცრილი., აცრილთა რაოდენობა პირიქით რომ იყოს ეს რეალურად ბიზნესისთვის იქნებოდა წამახალისებელი, მაგრამ დღეს ეს დააკლდება ბიზნეს ოპერატორს და ეკონომიკას. ფაქტობრივად რესტორნების მხოლოდ აცრილები დაიშვებიან, რადგან pcr ტესტს რესტორანში წასასვლელად არავინ არ გაიკეთებს“, - აღნიშნა შოთა ბურჯანაძემ.

ბიზნესმენმა ასევე აღნიშნა, რომ სექტორის მოთხოვნა მწვანე ზონებისთვის დღეს არსებული რეგულაციების მოხსნაა, ბურჯანაძე ფიქრობს, რომ თუ სახელმწიფო მწვანე ზონებს ქორწილების და სხვა აკრძალული ღონისძიებების ჩატარების ნებართვას მისცემს, ეს ადამიანების ჩართულობას შეუწყობს ხელს და ეკონომიკაც უფრო განვითარდება.

თაკო კვაჭანტირაძე