დღის Top-10 საინტერესო ამბავი

დღის Top-10 საინტერესო ამბავი

access_time2020-06-17 21:30:57

დღის Top-10 საინტერესო ამბავი


1.მთავრობა 600 მლნ. ლარით მეტ ვალს იღებს და ცალსახად ითავსებს ეროვნული ბანკის ფუნქციას - მიაწოდოს ბანკებს ლიკვიდობა

COVID-19-ის პანდემიის გამო ქვეყანაში შექმნილი მძიმე ეკონომიკური მდგომარეობის საპასუხოდ საქართველოს მთავრობამ პარლამენტში „2020 წლის სახელმწიფო ბიუჯეტის შესახებ“ კანონის ცვლილების პროექტი წარადგინა. ანტიკრიზისული ბიუჯეტის მიხედვით, მთავრობა გეგმავს დამატებით აღებული საშინაო ვალიდან 600 მლნ ლარი კომერციული ბანკების სადეპოზიტო სერთიფიკატებში განათავსოს.„თავისუფლებისა და დემოკრატიის ფონდის“ აღმასრულებელი დირექტორი ანა გოგოლაძე მიიჩნევს, რომ აღნიშნული გადაწყვეტილება, ფაქტობრივად, ბანკების სახელმწიფო ბიუჯეტიდან სუბსიდირებაა. მთავრობა ცალსახად ითავსებს ეროვნული ბანკის ფუნქციას - მიაწოდოს ბანკებს ლიკვიდობა.


2.წყნეთის „სამთავრობო აგარაკების“ შენახვა, რომელსაც მთავრობა ვერ ყიდის,ბიუჯეტს წელიწადში მილიონ ლარამდე უჯდება

ე.წ. წყნეთის „სამთავრობო აგარაკების“ ხარჯი შემოსავალს აღემატება. ქონების ეროვნული სააგენტოდან გამოთხოვილი ინფორმაციის მიხედვით ირკვევა, რომ 2015 წლიდან 2020 წლის ბოლომდე ობიექტის შენახვის ხარჯი დაახლოებით 5 187 019 ლარი იქნება, ხოლო შემოსავალი 2 981 767 ლარი.


3.ახალი ატრაქციონი დედაქალაქში - საჰაერო ბურთი რიყის პარკში

თბილისს კიდევ ერთი ახალი, უნიკალური გასართობი, ტურისტული ატრაქციონი შეემატება. რიყის პარკში მისულ სტუმრებს შესაძლებლობა ექნებათ დედაქალაქის უნიკალური ხედები საჰაერო ბურთიდან იხილონ. პროექტს შ.პ.ს „ატრაქციონი“ ფრანგ პარტნიორებთან ერთად ახორციელებს.


4.რა წესების დაცვით მიიღებენ დამსვენებელს ქობულეთის საოჯახო სასტუმროები

ქობულეთში საოჯახო ტიპის სასტუმროები ჯანდაცვის სამინისტროს მიერ გაცემული რეგულაციების ფარგლებში 15 ივნისიდან გაიხსნება.იცავენ თუ არა მცირე და საოჯახო ტიპის სასტუროები რეგულაციებს, მათ საქმიანობას ჯანდაცვის სამინისტროს შრომის დეპარტამენტის ინსპექტორები შეამოწმებენ. სივრცეების შემოწმების უფლება საპატრულო პოლიციასაც შეეძლება.



5.თბილისში „კავეა“ ორ Drive in კინოთეატრს მოაწყობს

„კავეას“ კინოთეატრების ქსელი Drive in კინოთეატრს გახსნის. ამის შესახებ “კომერსანტს„ „კავეას“ საზოგადეობასთან ურთიერთობის სამსახურის უფროსმა მაიკო სიხარულიძემ განუცხადა. მისი თქმით, ლოკაციად ახალ იპოდრომი შეირჩა, თუმცა მოლაპარაკებები კიდევ ერთი სივრცის თავისებაზე მიმდინარეობს. როგორც სიხარულიძე განმარტავს, „კავეა“ ფილმების ჩვენების დაწყებას ივლისიდან გეგმავს.


6.პარტნიორი კომპანიების დეზინფორმირება და შეცდომაში შეყვანის მცდელობა-კონკურენციის სააგენტომ „ჯ.თ. მოტორსის” საქმის მოკვლევა დაიწყო

საქართველოს კონკურენციის სააგენტომ შპს ჯი-თი მოტორსის საჩივრის საფუძველზე მოკლევა დაიწყო. თემა ეხება კონკურენტი კომპანია “შპს ჯ.თ. მოტორსის” მხრიდან არაკეთილსინდისიერი კონკურენციის შესაძლო დარღვევის ფაქტს. საჩივარში საუბარია, ავტოტექმომსახურეობის სფეროში, საქმიანობის იდენტურობაზე - როგორც ლოგოს, ასევე კომპანიის დასახელების მიზანმიმართულ მსგავსებაზე, რაც მომჩივანის პოზიციით, პოტენციური მომხმარებლის და ასევე პარტნიორი კომპანიების დეზინფორმირებას, შეცდომაში შეყვანის მცდელობას წარმოადგენს.


7.გიორგი ვაშაძე - მივმართავ პრემიერსა და ეროვნული ბანკის პრეზიდენტს, ნუ იმალებით

პარტია „ახალი საქართველოს“ ლიდერის, გიორგი ვაშაძის განცხადებით, საქართველოში საბანკო სექტორის სახით ჩამოყალიბებულია მონოპოლიური კარტელი, რომელიც თითოეულ მოქალაქეს ძარცვავს. როგორც ვაშაძემ პარტიის ოფისში გამართულ ბრიფინგზე აღნიშნა, ევროკავშირში ბანკების საუკეთესო მოგების მაჩვენებლად 10% ითვლება, საქართველოს შემთხვევაში კი, საბანკო სექტორი 25%-იანი მარჟის მოგებით მუშაობს.


8.სავარაუდოდ,მთავრობას ყველაზე მეტი ახლობელი სამშენებლო სექტორში ჰყავს და მათ სუბსიდირებას ამიტომ გეგმავს - ლევან კობერიძე

„როგორი შეიძლება იყოს სავარაუდოდ საქართველოს ეკონომიკის სტრუქტურა დარგების მიხედვით და რა ეკონომიკური ხედვებით უნდა უპასუხოს ქვეყანამ ამ გამოწვევას?“ - ამ კითხვით მიმართა დარგობრივი ეკონომიკისა და ეკონომიკური პოლიტიკის კომიტეტის სხდომაზე ფრაქცია „დამოუკიდებელი დეპუტატების“ ერთ-ერთმა ლიდერმა, ლევან კობერიძემ ფინანსთა მინისტრის მოადგილე გიორგი კაკაურიძეს, რომელმაც კომიტეტის სხდომაზე მთავრობის ანტიკრიზისული ბიუჯეტი წარადგინა.


9.ტყის ხანძრების სეზონი - არის თუ არა მზად სახელმწიფო ტყის საფარის დასაცავად

13 ივნისს, აბასთუმანის ტყეში ხანძრის გაჩენასთან ერთად ზაფხულის ერთ-ერთი ყველაზე მასშტაბური პრობლემა საზოგადოებისა და გარემოსთვის - ტყის ხანძრები, კვლავ აქტუალური გახდა. ბოლო რამდენიმე წელიწადია, რაც სეზონის დაწყებისთანავე ტყის ხანძრებთან გასამკლავებლად აუცილებელი ხდება ყველა არსებული თუ არარსებული რესურსის მობილიზება რამდენიმე დღის მანძილზე, სანამ ხანძირის ახალი კერა არ გაჩნდება. გაზაფხულის პირველივე დღეებში საქართველოს 43 ხანძრის კერასთან მოუწია გამკლავება.როგორ ემზადებოდა ან ემზადება სახელმწიფო და შესაბამისი სტრუქტურები ზაფხულის ცხელის სეზონისთვის ტექნიკურად და ინფრასტრუქტურულად? -ვრცლად „კომერსანტზე“. 


10.Forbes: რომელი ქვეყანა რა პირობებით ხსნის საზღვრებს

15 ივნისს ევროკომისიის რეკომენდაცია ამოქმედდა, რომელიც ევროკავშირის ქვეყნებს შორის შიდა საზღვრების გახსნას გულისხმობს.რეკომენდაცია სავალდებულო არაა და სხვადასხვა სახელმწიფოები შეზღუდვებს სხვადასხვა დონეზე ხსნიან.მთლიანობაში ევროპა ტურისტული ინდუსტრიის ნელ-ნელა ამოძრავებას ცდილობს.1 ივლისისთვის ევროკავშირის ასევე არაწევრ ქვეყნებთან საზღვრების გახსნის გეგმას წარადგენს.როგორც უკვე ითქვა, საზღვრების გახსნის პროცესი ევროკავშირში არაერთგვაროვნად მიმდინარეობს.



თეგები:
Top-10



20 ოქტომბერი - რეგიონში ქართული ლარი და სომხური დრამი გაუფასურდა

20 ოქტომბერი - რეგიონში ქართული ლარი და სომხური დრამი გაუფასურდა
access_time2020-10-20 18:15:11
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 20 ოქტომბრის ვაჭრობის შედეგად, ქართული ლარის კურსი გაუფასურდა და ერთი აშშ დოლარის ღირებულებამ 3.2222 ლარი შეადგინა. ქართული ლარის...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-20 21:30:45
დღის Top 10 საინტერესო ამბავი: 1. როგორ უნდა მოიქცეთ, თუ Covid-19 დაგიდასტურდათ - ამერიკაში მოღვაწე ქართველი ექიმების რჩევები როგორ უნდა მოიქცეს ადამიანი, თუ მას კორონავირუსის სიმპტომები გამოუვლინდა? როდის უნდა მიმართოს სიმპტომიანმა ოჯახის ექიმს და როდის გადაუდებელი დახმარების ცენტრს? საჭიროა თუ არა მედიკამენტოზური მკურნალობა? ...

მსხვილი სასტუმრო ქსელები დისტანციურად მომუშავეთა მოზიდვას ცდილობენ

მსხვილი სასტუმრო ქსელები დისტანციურად მომუშავეთა მოზიდვას ცდილობენ
access_time2020-10-20 20:45:26
მსხვილი სასტუმრო ქსელები, ისეთები, როგორც InterContinental Hotels Group, Marriott დ Accor-ი ახალი სისტემის - გამოწერის -  ამუშავებას გეგმავენ იმისთვის, რომ დისტანციურად მომუშავეებმა მოგზაურობა და სხვადასხვა ქალაქებში ერთი და იგივე ქსელის სასტუმროებში ცხოვრება შეძლონ.   მაგალითად, სექტემბერში ტურისტულმა ჯგუფმა Inspirato-მ განაცხადა, რომ მთლიანად გამოწერაზე  გადავიდა და აქცენტს სწორედ ამ სერვისზე გააკეთებს. ქსელის კლიენტები შტატებში,...

Bloomberg: ჩინეთის ეკონომიკა ზრდის კრიზისამდელ მაჩვენებელს უახლოვდება

Bloomberg:  ჩინეთის ეკონომიკა ზრდის კრიზისამდელ მაჩვენებელს უახლოვდება
access_time2020-10-20 19:00:20
2020 წლის დასაწყისიდან პირველი 6 თვის ვარდნის შემდეგ ჩინეთის ეკონომიკა 0,7%-ით გაიზარდა.   ჩინეთი შესაძლოა მსოფლიოში ერთადერთი ქვეყანა გახდეს, რომლის ეკონომიკაც წელს გაიზრდება და ამას საფუძვლად კორონავირუსის აგრესიული შეკავება დაედება.   2020 წლის მე-3 კვარტალში ჩინეთის ეკონომიკა 2019 წლის ანალოგიური პერიოდთან შედარებით 4,9%-ით გაიზარდა, წლიურ ჭრილში კი 0,9%. შესაძლოა ეს რიცხვები მოკრძალებულად მოგეჩვენოთ, თუმცა, საუბარია ზრდაზე იმ დროს, როდესაც...

„ბასტი ბუბუ“ დახურვის პირასაა - პანდემიის გამო, სტუდიას 120 000 ლარის დავალიანება დაუგროვდა

„ბასტი ბუბუ“ დახურვის პირასაა - პანდემიის გამო, სტუდიას 120 000 ლარის დავალიანება დაუგროვდა
access_time2020-10-20 17:25:36
„უკვე მერვე თვეა „ბასტი ბუბუს“ არც ერთი თანამშრომელი ხელფასს არ იღებს - „ბასტი ბუბუ“ დგას დახურვის პირას, სიკვდილ-სიცოცხლის ზღვარზეა“,- ამის შესახებ რადიო „პალიტრისა“ და „პალიტრანიუსის“ გადაცემაში „საქმე“ საბავშვო სტუდია „ბასტი ბუბუს“ დირექტორმა პაატა ამონაშვილმა განაცხადა.   მისი თქმით, პანდემიის გამო, სტუდიას დაგროვილი აქვს 120 000 ლარის დავალიანება, რომლის გადახდაც გაჩერებული მუშაობის პირობებში ვერ ხერხდება. ამას კი, ღონისძიებების გაურკვეველი დროით აკრძალვაც...


მსგავსი სიახლეები

up