დღის Top 10 საინტერესო ამბავი:
„იქიდან გამომდინარე, რომ რამდენიმე კვირით ვზღუდავთ საცალო ვაჭრობას, ბაზრობებს, მოლებს, მაღაზიებს და გვესმის, რომ აქ დიდი რაოდენობით ჩვენი მოქალაქეა დასაქმებული, ჩვენ დაწყებული გვაქვს ამ ადამიანების აღრიცხვა იმ კომპანიებთან ერთად, სადაც ისინი არიან დასაქმებულები. ვიღებთ იმ ვალდებულებას, რომ ამ სექტორში დასაქმებულ თითოეულ ადამიანს, რომელსაც გააჩნია სესხი, სახელმწიფო მიეხმარება სესხის გადავადებაში“, - განაცხადა პრემიერ მინისტრმა გიორგი გახარიამ.
ეპიდემიოლოგიური ვითარების დასტაბილურებას ხელისუფლება ამ დრომდე ვერ ახერხებს. დღევანდელი მონაცემებით, საქართველოში ინფიცირების 20 454 აქტიური შემთხვევა ფიქსირდება, მათ შორის 6 366 ადამიანი საავადმყოფოში მკურნალობს. ქვეყანაში მოქმედი 85 კოვიდ-კლინიკის დიდი ნაწილი გადატვირთულია, ამის ერთ-ერთ მთავარ მიზეზად საწოლ-ფონდის არარაციონალური გადანაწილება სახელდება. თუმცა ჯანდაცვის მინისტრი, უკვე ერთი თვეა, საზოგადოებას უმტკიცებს, რომ კოვიდ ინფიცირებული პაციენტებისთვის საწოლების რაოდენობა საკმარისია.
გიორგი ბასილიძემ 24 დეკემბერს შეზღუდვების მოხსნაზეც ისაუბრა და აღნიშნა, რომ ეს მიდგომაც არასწორია, რადგან ახალი წლამდე ასეთი მცირე დროით მაღაზიების გახსნა, თან ისეთ პერიოდში, როდესაც ისედაც პიკია და მოლები მომხმარებლების დიდი რაოდენობით გამოირჩევა, ისეთივე კოლაფს გამოიწვევს, რაც შავ პარასკევს იყო.
ბიძინა ივანიშვილის თანაინვესტირების ფონდის შემადგენლობაში არსებული, საქართველოს ტურიზმის განვითარების ფონდის ინიციატივით, მწვანე კონცხზე მარიოტის საერთაშორისო ქსელის, უმაღლესი კლასის Luxury Collection-ის ბრენდის 5 ვარსკვლავიანი გამაჯანსაღებელი სასტუმრო კომპლექსის მშენებლობა მიმდინარეობს.
5.დღეიდან 1-ელ თებერვლამდე პერიოდში ქვეყნის მასშტაბით ინტენსიური ტესტირების პროგრამა იმოქმედებს
დღეიდან ორი თვის განმავლობაში, 1-ელ თებერვლამდე პერიოდში ქვეყნის მასშტაბით იმოქმედებს ინტენსიური ტესტირების პროგრამა, - ამის შესახებ განცხადება უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ საკოორდინაციო საბჭოს დასრულების შემდეგ გააკეთა.
არსებული ეპიდემიოლოგიური მდგომარეობიდან გამომდინარე, გადაწყვეტილება მივიღეთ, რომ წელს საახალწლო სოფელი ვერ გაკეთდება, – ამის შესახებ დედაქალაქის მერმა, კახა კალაძემ თბილისის მთავრობის სხდომაზე განაცხადა.
„სახელმწიფო ვალის მშპ-სთან თანაფარდობის (62%) კრიტიკულ დონეს მივაღწიეთ, რომლის გამოც ეკონომიკური ზრდა (მოცემულ სიტუაციაში, ასეთის არსებობის შემთხვევაში), ავტომატურად დაიწყებს კლებას“, — ამის შესახებ საერთაშორისო სავაჭრო პალატის თავმჯდომარე ფადი ასლი „ფეისბუქის“ პირად გვერდზე წერს.
იანვრიდან თბილისში კომერციულ აბონენტებს ბუნებრივი გაზის ფასი ერთ კუბურ მეტრზე 24 თეთრით , 86 თეთრიდან 1.1 ლარამდე გაეზრდებათ.
„ესაა კლანური მმართველობის შედეგი: აზიანებს ბიზნესს და აღარიბებს ხალხს“,- ამის შესახებ ფრაქცია „ნაციონალური მოძრაობის“ თავმჯდომარე რომან გოცირიძე საკუთარ „ფეისბუკ“ გვერდზე წერს, რითაც კომერციული მომხმარებლებისთვის გაზის გაძვირებას ეხმაურება.
10.Liberation: პანდემიამ მსოფლიოში სიღარიბე 40%-ით გაზარდა
გაეროს მონაცემებით, 2021 წელს მსოფლიოში ჰუმანიტარულ დახმარებაზე დამოკიდებული 250 მლნ. ადამიანი იქნება. ეს 40%-ით მეტია, ვიდრე 2019 წელს და ამის მთავარია მიზეზია კორონავირუსის პანდემიის სოციალურ-ეკონომიკური შედეგები. ეს მისია უზარმაზარ თანხებს საჭიროებს, გაეროს გენერალური მდივნის მოადგილის მარკ ლოუკოკის თქმით, საუბარია 35 მლრდ. დოლარზე, რომელიც დღეს არ არის.
Top 10
