ბიძინა ივანიშვილის თანაინვესტირების ფონდის შემადგენლობაში არსებული, საქართველოს ტურიზმის განვითარების ფონდის ინიციატივით, მწვანე კონცხზე მარიოტის საერთაშორისო ქსელის, უმაღლესი კლასის Luxury Collection-ის ბრენდის 5 ვარსკვლავიანი გამაჯანსაღებელი სასტუმრო კომპლექსის მშენებლობა მიმდინარეობს. 120 ნომრიან სასტუმროში განთავსდება სპა, აუზი, ფიტნეს ცენტრი, რესტორანი, ლაუნჯ ბარი, ჩოგბურთის, ფეხბურთის და კალათბურთის მოედნები, საბავშვო - სარეკრიაციო ზონა და დამატებითი სივრცეები ბიზნეს შეხვედრებისა და კონფერენციებისათვის. აღნიშნული პროექტი 55,000 კვ.მ მიწის ნაკვეთზე განთავსდება, ხოლო მისი საერთო სამშენებლო ფართია 46 000 კვ.მ. აღსანიშნავია, რომ პროექტის მშენებლობის დასრულება ერთი წლით, 2022 წლამდე გადავადდა. როგორ "კომერსანტს" ფონდში განუცხადეს ინვესტიციის ჯამური მოცულობა 70 მლნ აშშ დოლარია.
ბათუმის ბოტანიკურ ბაღის მიმდებარედ განლაგებული, სასტუმროდან შესანიშნავი ხედები იშლება როგორც ბოტანიკურ ბაღზე ასევე ზღვაზე და ქალაქზე.
„როგორც ზემოთ აღვნიშნეთ. მწვანე კონცხზე მდებარე სასტუმრო იქნება მარიოტის საერთაშორისო ქსელის, კერძოდ უმაღლესი კლასის Luxury Collection-ის ბრენდის, ხოლო მას ოპერირებას გაუწევს სასტუმროების მართვის კომპანია. ფონდის ქვეშ გაერთიანებული ქართული კომპანია, რომელიც ლიცენზირებულია მარიოტის საერთაშორისო ქსელის მიერ, რაც უფლებამოსილს ხდის იყოს ნებისმიერი სასტუმრო კომპლექსის სრულყოფილი მართვის სერვისის მიმწოდებელი, როგორც საქართველოში, ასევე მის ფარგლებს გარეთ. სასტუმროების მართვის კომპანიას უმნიშვნელოვანესი ფუნქცია ეკისრება რეგიონალური ტრენინგ ცენტრების შექმნის კუთხით, რომელებიც უზრუნველყოფს ტურიზმის სფეროში დასაქმებული ადგილობრივი მოსახლეობის გადამზადებას, მათი კვალიფიკაციის დონის ამაღლებას და სერვისის ინდუსტრიის განვითარებას რეგიონების მასშტაბით. სწორედ აღნიშნული კომპანიის მმართველობის ქვეშ იქნება, ფონდის მიერ განხორციელებული ყველა ის სასტუმრო, რომლებიც საერთაშორისო ქსელის Marriott International-ის ქვეშ იფუნქციონირებს“, - განუცხადეს "კომერსანტს" თანაინვესტირების ფონდში.
ბაჩო ადამია