დღის TOP 10 საინტერესო ამბავი:
1. დევი ხეჩინაშვილი ჯანდაცვის მინისტრის შეშფოთებას რისკად არ აღიქვამს
„არ აღვიქვამ რისკად შეშფოთებას, რომელიც მინისტრმა გამოთქვა“, - ასე აფასებს ჯანდაცვის მინისტრის ეკატერინე ტიკარაძის განცხადებას სადაზღვევო კომპანიების ეფექტიანობასთან დაკავშირებით საქართველოს სადაზღვეო ასოციაციის ხელმძღვანელი დევი ხეჩინაშვილი.
2. საქართველო–თურქეთს შორის ახალი საბაჟო შეთანხმება ამოქმედდება
იმპორტიორი კომპანიები თურქეთსა და საქართველოს შორის საბაჟოსთან მიმართებით მიღებულ ახალ შეთანხმებას ბიუროკრატიული პროცედურების შემსუბუქებისთვის და ბიზნესგარემოსთვის იდეალურ ნაბიჯად აფასებენ.
3. რას მოხმარდება 1.114 მლრდ ლარით გაზრდილი ბიუჯეტი
პარლამენტმა ბიუჯეტში შესატანი ცვლილებების განხილვა დაიწყო. პროექტის თანახმად ქვეყნის მთავარი საფინასო დოკუმენტი ეკონომიკის 4.3%-იანი ზრდის ნაცვლად 7.7%-იან ზრდაზე გადაიგეგმება. შემოსულობები 1.175 მლრდ ლარით, ხოლო გადასახდელები 1.114 მლრდ ლარით იზრდება.
4. საკვებზე მსოფლიო ფასები წლის განმავლობაში პირველად შემცირდა
12–თვიანი შეუჩერებელი ზრდის შემდეგ სურსათზე მსოფლიო ფასები ივნისში შემცირდა. ამის შესახებ გაეროს სურსათისა და სოფლის მეურნეობის ორგანიზაციის მიერ სასურსათო ფასების მდგომარეობის შესახებ (FAO Food Price Index, FFPI) მომზადებულ ოველთვიურ ანგარიშშია ნათქვამი.
5. რამდენი პროცენტით შეიძლება გაიაფდეს მედიკამენტები?
ფარმაცევტული კომპანიების წარმომადგენლთა ასოციაციის დირექტორის ირაკლი მარგველაშვილის განმარტებით, ეროვნული ვალუტის გამყარება მედიკამენტებზე ფასების შემცირების შესაძლებლობას იძლევა.
6. პოპულარული ტურისტული მარშრუტებით საქართველოს მაღალმთიანეთი ლიდერობს
საქართველოში ტურიზმი ერთ–ერთ ყველაზე პრიორიტეტულ სფეროდ არის მიჩნეული. კორონავირუსით გამოწვეული პანდემიის და საზღვრების ჩაკეტვის შემდეგ, საქართველოს მოქალაქეებისთვის შიდა ტურიზმმა უფრო დიდი დატვირთვა შეიძინა.
7. სემეკი: „თელმიკოს“ მიერ ზედმეტობით დარიცხული თანხები დაკორექტირდება
საქართველოს ენერგეტიკისა და წყალმომარაგების მარეგულირებელ ეროვნულ კომისიას (სემეკ) მომართა არაერთმა მოქალაქემ, რომლებმაც მოითხოვეს „თბილისის ელექტრომიმწოდებელი კომპანიის“ (თელმიკო) მიერ ივლისში აბონენტებზე დარიცხული გადასახადის სემეკის მიერ შესწავლა.
8. თბილისში იტალიური ბრენდის Kiko Milano ორი მაღაზია გაიხსნა
იტალიური ბრენდის Kiko Milano-ს მაღაზიები, როგორც დაგეგმილი იყო, ივნისში „ისთ ფოინთსა“ და „თბილისი მოლში“ გაიხსნა.
9. ივნისში კარტოფილის ექსპორტმა $3,7 მლნ შეადგინა
კარტოფილი საქართველოდან ექსპორტზე გასული ბოსტნეულიდან მოცულობით ნომერ პირველი პროდუქტია - მისმა ექსპორტმა ივნისში $3,7 მლნ შეადგინა, რაც 20%–ით აღემატება ლურჯი მოცვის ექსპორტით მიღებულ შემოსავალს.
10. Liberation: დღეს შამპანურია, ხვალ კონიაკი იქნება
პუტინის მიერ ხელმოწერილმა კანონმა, რომელიც მცნება „შამპანურის“ გამოყენების უფლებას მხოლოდ რუს მწარმოებლებს აძლევს, ფრანგი მეღვინეების უკმაყოფილება გამოიწვია.