- საერთაშორისო ორგანიზაციების მიერ შავ სიში შეყვანილ კომპანიას საქართველოს მთავრობამ 805 843 391 ღირებულების 7 კონტრაქტი გაუფორმა
ერთ-ერთი ასეთი კომპანია „SINOHYDRO Corporation Limited“ - ია, კომპანია რომელიც მსოფლიოში თავისი ცუდი რეპუტაციით ცნობილი. მიუხედავად იმისა, რომ „SINOHYDRO“ მსოფლიო ბანკისა თუ სხვა მრავალი საერთაშორისო ორგანიზაციის შავ სიებში იძებნება, სახელმწიფო მასთან თანამშრომლობას აქტიურად აგრძელებს და ასეულ მილიონიანი ხელშეკრულებებს უფორმებს.
2. ბენზინის ფასმა ფსიქოლოგიური ნიშნული გადალახა
საწვავის ფასი ზრდას განაგრძობს, ბრენდულ ბენზინგასამართ სადგურების ნაწილზე 1 ლიტრი სუპერის ტიპის ბენზინის ღირებულება უკვე 3 ლარს გადასცდა.
3. მოიჯარეები, იმ მიწების გამოსყიდვას, რომელსაც დიდი ხნის განმავლობაში ამუშავებენ, 25%-იანი ფასდაკლებით შეძლებენ - ნათია თურნავა
მოიჯარეები, იმ მიწების გამოსყიდვას, რომელსაც დიდი ხნის განმავლობაში ამუშავებენ, 25%-იანი ფასდაკლებით შეძლებენ. ამის შესახებ მთავრობის სხდომის დასრულების შემდეგ ეკონომიკის მინისტრმა ნათია თურნავამ განაცხადა.
4. „Retail Group Georgia“-ს შემოსავალი 115 %-ით გაიზარდა
Zara“-ს, „Massimo Dutti“-ს, „Mango“-ს, Marks&Spenser-ის და სხვა ცნობილი ბრენდების ექსკლუზიურმა ფრენშაიზ პარტნიორმა საქართველოში „Retail Group Georgia“- მ 2020 წლის 31 მარტის მდგომარეობით კონსოლიდირებული ფინანსური ანგარიშგება გამოაქვეყნა.
5. თურქეთიდან შემოსული იაფფასიანი პროდუქციისთვის კონკურენციის გაწევა ახლა უფრო რთულია - ავეჯის მწარმოებელი, კასა ვერდე
ავეჯის მწარმოებელი კომპანია „კასა ვერდე“-ს დამფუძნებელი და დირექტორი დავით ბაჩილავა „კომერსანტთან“ საუბრობს პანდემიითა და თურქული კომპანიების არაჯანსაღი კონკურენციით გამოწვეულ სიძნელეებზე ავეჯის წარმოების ბიზნესში.
6. GALT & TAGGART: აპრილში საქართველომ საერთაშორისო ტურიზმიდან $98.3 მლნ-ის შემოსავალი მიიღო
ტურიზმის სექტორი აღდგენას იწყებს. საქართველოში 2021 წლის აპრილში საერთაშორისო ვიზიტების რაოდენობა წლიურად მნიშვნელოვან, 140.4%-იან ზრდას აჩვენებს და 82 500 ვიზიტორს აღწევს.
7. რუსეთთან შედარებით, ქართული ღვინო ევროპაში 4-5 ჯერ უფრო ძვირია
ევროპის ბაზარზე 1 ბოთლი ქართული ღვინის სუფთა მოგება, საშუალოდ, 25-30 ლარს შეადგენს.ბიოლოგიურ მეურნეობათა ასოციაცია „ელკანას“ კონსულტანტის და მევენახეობა-მეღვინეობის მკვლევარის გიორგი ბარისაშვილის ინფორმაციით, ინდუსტრიული ღვინო საქართველოდან, ევროპის მაღაზიებში სამ საფასო სეგმენტში იყიდება.
8. შვეიცარიას საქართველო კვლავ მაღალი რისკის ქვეყნების სიაში გადაჰყავს
შვეიცარიის მთავრობის N818.101.24 განკარგულების შესაბამისად საქართველოს მოქალაქეები შვეიცარიაში შემოსვლას შესძლებენ მხოლოდ განსაკუთრებულ შემთხვევებში
9. მსოფლიოში სურსათზე ფასებმა 6-წლიან მაქსიმუმს მიაღწია
გლობალური ბაზრებზე ჯერ კიდევ 2020 წელს დაწყებული სურსათის გაძვირება გრძელდება - სოფლის მეურნეობის და სურსათის საერთაშორისო ორგანიზაციის (FAO) მონაცემებით, აპრილში კვების პროდუქტებზე ფასებმა 6-წლიან მაქსიმუმს მიაღწია.
10. ჰაკერული შეტევის გამო, Bloomberg-ი შტატებში საწვავის გაძვირებას პროგნოზირებს
აშშ-ში ფასებმა ბენზინსა და დიზელზე შესაძლოა 2014 წლის შემდეგ მაქსიმალურ მაჩვენებლებს მიაღწიოს და ამის მიზეზი მილსადენ Colonial Pipeline-ის ოპერატორ-კომპანიაზე ჰაკერული შეტევაა.
სურსათი
